இப்போதைக்கு இளசுகளின் காதை குத்தகைக்கு எடுத்து இருக்கிறது சிம்பு எழுதி அவருடன் யுவன் ஷங்கர் ராஜா பாடிய பாட்டு. எவன்டி உன்னப் பெத்தான்! அவன் கையில கிடைச்சா செத்தான்! நடு நடுவில் கடாக் முடாக் என்று கடித்துத் துப்பும் கசமுசா வார்த்தைகளோடு செல்போன்கள்களில் சிணுங்கிக் கொண்டிருக்கிறது வானம் படத்தின் பாடல். வானம் படத்தின் எல்லா பாடல்களும் இன்னும் வெளியாக வில்லை. இணையதளத்தில் இந்த ஒரு பாடல் மட்டும் எப்படியோ கசிந்து விட்டதால் இந்தப் பாடலை தனியாக வெளியிட்டார்கள்.
புது வருடத்தின் துவக்கத்திலேயே மூன்று ரீமேக் படங்கள் வெளிவர இருக்கின்றன. தெலுங்கு ரீமேக்குகளான சிறுத்தை, வானம். மலையாளம் ரீமேக்கான காவலன். இதில் வானம் பிப்ரவரி மாதம் 14 ஆம் நாள் காதலர்கள் தினத்தன்று வெளிவர இருக்கிறதாம்.
வானம், முழுக்க முழுக்க காதல் கதை இல்லை என்றாலும் இதில் காதலும் இருக்கிறது. காதலர்களுக்காக வானம் படத்தை காதலர் தினத்தன்று வெளியிட வேண்டும் என வானம் தயாரிப்பாளரிடம் கூறியிருக்கிறாராம் சிம்பு.
விரைவில் இசை வெளியீட்டையும் திட்டமிட்டு வருகிறார்கள். சிம்பு, பரத், அனுஷ்கா, வேகா, சினேகா உல்லால், பிரகாஷ் ராஜ், சோனியா அகர்வால் என பெரிய லிஸ்ட் போடுகிற அளவிற்கு இதில் முக்கியமான கதாபாத்திரங்கள் இருக்கிறார்கள். அனுஷ்கா சிம்பு போட்டிருக்கிற குத்தாட்டம் அடுத்த வருடத்தின் டாப் லிஸ்டில் இருக்கப் போகிறது என சொல்கிறார்கள் படக் குழுவினர். ஏற்கெனவே தெலுங்கு படத்தில் அனுஷ்கா தனியாக போட்ட ஆட்டம் பிச்சிகிச்சு. இப்போ தமிழில் சிம்புவும் கூட சேர்கிறார் என்றால் கூத்துக்கு சொல்லவா வேண்டும்.
யுவன் ஷங்கர் ராஜாவின் ஒற்றைப் பாடலுக்கே இவ்வளவு வரவேற்பு என்றால் இன்னும் மொத்தமாக வந்தால்... மன்மதன், வல்லவன் மாதிரி வானமும் பாடல்களில் சக்கைப் போடு போடப் போகிறது. அவன் இவன், மங்காத்தா, வானம் என அடுத்தடுத்து அடுத்த வருடத்தில் யுவனின் இசை கலக்க இருக்கிறது...
No comments:
Post a Comment