ரசிகர்கள் ரொம்ப விவரமாயிட்டாங்க. அதனால லாஜிக் இல்லாத படங்களில் இனி நடிக்க மாட்டேன்; சினிமா என்றாலும் லாஜிக் இருக்க வேண்டும் என்று நடிகை ஸ்ரேயா கூறியுள்ளார். முன்னணி நடிகையாக தமிழ் சினிமாவை வலம் வந்த காலம் போய், இன்று வாய்ப்புக்காக ஏங்கும் நிலைமை வந்துவிட்டது ஸ்ரேயாவுக்கு. இனி தான் நடிக்கும் படம் ஒரு வெற்றிப்படமாக இருக்க வேண்டும் என்பதில் முழு அக்கறை காட்டும் ஸ்ரேயா, தன்னிடம் கதை சொல்ல வரும் டைரக்டர்களிடம் முழு கதையையும் கேட்டு பாடாய் படுத்தியெடுத்து விடுகிறாராம். கதையில் இருக்கும் லாஜிக் மீறல்களை, சினிமாத்தனங்களையும் அலசி ஆராயும் ஸ்ரேயா, இதுபோன்ற காட்சிகளை வைத்தால் ரசிகர்கள் ஏற்றுக் கொள்ள மாட்டார்கள். இப்பல்லாம் ரசிகர்கள் ரொம்ப விவரமாயிட்டாங்க, என்று கூறி முரண்பாடான காட்சிகளை நீக்கினால் நடிக்கிறேன் என்கிறாராம்.
கதை சொல்ல வருபவர்களிடம் ஸ்ரேயா வைக்கும் இன்னொரு கோரிக்கை கவனிக்கப்பட வேண்டியது. மொழி மாதிரி கதை இருந்தா சொல்லுங்க. காசு தர வேண்டாம்; சும்மாவே நடிச்சுக் கொடுக்குறேன் என்கிறாராம் ஸ்ரேயா. இதுவரைக்கும் பணத்துக்காக நடிச்சாச்சு. இனிமேல் பணம் அவ்வளவு பெரிய பிரச்சனை இல்லை. நல்ல நடிகைன்னு பேர் வாங்கணும், என்கிறார் ஸ்ரேயா. ஸ்ரேயாவின் இந்த மாற்றம் அவரது ரசிகர்களுக்கு ஏமாற்றமாகத்தான் இருக்கும்.
No comments:
Post a Comment