'அவன் இவன்' படத்தில் மாறுகண் பார்வை கொண்டவராக நடித்துள்ளார், விஷால். உலத் திரைப்பட வரலாற்றில் இத்தகைய கதாப்பாத்திரத்தில் முதலில் செய்தவர் என்ற வகையில், கின்னஸ் புத்தகத்தில் இடம்பெற விண்ணப்பிக்க இருக்கிறார்களாம்!
இதுகுறித்து நடிகர் விஷால் அளித்துள்ள பேட்டி ஒன்றில், "என்னை இயக்குனர் பாலா அழைத்தவுடன் எந்தவித எதிர்பார்ப்பும் இல்லாமல் சென்றேன். ஒரு நடிகராக எனக்கு அடுத்த படத்தில் நடிப்பதற்கு பயமாக இருக்கிறது. ஏனென்றால் பாலா படம் முடிந்து விட்டது. அடுத்தாக கேமராவை வேறு ஒரு பாத்திரத்துக்கு பார்க்க வேண்டியுள்ளது. எனது முதல் படமான செல்லமே படத்துக்கு பிறகு கூட இந்த அளவுக்கு பயந்தது இல்லை.
அவன் இவன் படத்தின் கதையை விட, எனது கதாபாத்திரம் மிகவும் சவாலானது. என்னால் ஒரு நடிகனாகவும், தனிப்பட்ட முறையிலும் முடிந்தவரை செய்து உள்ளேன். இந்த மாதிரி கதாபாத்திரங்களில் ஒருபோதும் நடிக்க முடியாது.
இந்தப் படம் முழுவதும் மாறுகண் பார்வை கொண்டவராக நடித்து இருக்கிறேன். எனக்கு தெரிந்தவரை உலகத்தில் முதன் முதலாக மாறுகண் பார்வை உள்ளவராக ஒரு படம் முழுவதும் நடித்து இருப்பது மகிழ்ச்சியாக இருக்கிறது. அது மட்டுமல்லாது கின்னஸ் புத்தகத்தில் இடம் பெற விண்ணப்பிப்பது குறித்து ஆலோசித்து வருகிறோம்.
இப்பொழுது பிரபுதேவா இயக்கும் படத்தில் சமீரா ரெட்டியுடன் நடித்து வருகிறேன். இது, தெலுங்கில் வெளியான 'செளரியம்' படத்தின் ரீமேக்காகும். சத்யம் படத்தை அடுத்து இப்படத்தில் போலீஸாக நடிக்க இருக்கிறேன்," என்று நடிகர் விஷால் கூறியுள்ளார்.
இதையும் படியுங்களேன்.....
No comments:
Post a Comment