'மயக்கம் என்ன' : ரஜினி பாராட்டு !

தனுஷ், ரிச்சா நடிக்க, செல்வராகவன் இயக்கிய படம் 'மயக்கம் என்ன'. ஜி.வி.பிரகாஷ் இசையமைக்க ஜெமினி நிறுவனம் தயாரித்து இருந்தது.

இப்படம் நவம்பர் 25ம் தேதி தமிழகம் முழுவதும் வெளிவர இருக்கிறது.

இந்நிலையில் புதன்கிழமை (நவம்பர் 23)  மாலை ரஜினி குடும்பத்தினருக்கு மட்டும் ரியல் இமேஜ் ப்ரிவியூ தியேட்டரில் 'மயக்கம் என்ன' படம் திரையிடப்பட்டது.

அப்படத்தினை ரசித்து பார்த்த ரஜினிகாந்த், படம் முடிந்து வெளியே வந்தவுடன் தனுஷை கட்டிப்பிடித்து பாராட்டினாராம். தனுஷ் நடித்த படங்களின் வரிசையில் 'மயக்கம் என்ன' முக்கியமான படமாக  இருக்கும் என்றும் கூறினாராம்.

இயக்குனர் செல்வராகவன் படத்தின் வெளியீட்டு வேலைகளில் மும்முரமாக ஈடுபட்டு வந்ததால், அவர் அங்கு வரவில்லை. ரஜினி செல்வராகவனை போனில் தொடர்பு கொண்டு  நீண்ட நேரம் செல்வராகவனிடம் படத்தினைப் பற்றி சிலாகித்து பேசி இருக்கிறார். ரஜினியின் இந்த பாராட்டால் பெரும் உற்சாகத்தில் இருக்கிறது படக்குழு.