தனக்கே வில்லனான சூர்யா!

சூர்யா நடித்துக் கொண்டிருக்கும் மாற்றான் படத்தை கே.வி.ஆனந்த் இயக்குகிறார். சூர்யாவுக்கு ஜோடியாக காஜல் அகர்வால் நடிக்கிறார். இந்த படத்தில் சூர்யா இரு வேடங்களில் நடிக்கிறார்.

வழக்கம் போல ஒரு கேரக்டர் நல்லவன், ஒரு கேரக்டர் கெட்டவன் என்றாலும் பச்சைக்கிளி முத்துச்சரம் படத்தின் வில்லன் சோமன், வேட்டையாடு விளையாடு படத்தின் வில்லன் டேனியல், நடுநிசி நாய்கள் படத்தின் வில்லன் வீரா ஆகியோர் கெட்ட சூர்யாவுடன் இணைந்து கொள்வதாலும், தனக்கே வில்லனாக சூர்யா இதுவரை நடித்ததில்லை என்பதாலும் ரசிகர்களிடம் படத்தை பற்றிய எதிர்பார்ப்பு அதிகமாக இருப்பதாக தெரிகிறது.

 கல்பாத்தி எஸ் அகோரம் தயாரிக்கிறார். ஹார்ரிஸ் ஜெயராஜ் இசையமைக்கிறார். மாற்றான் முடிந்ததும் சூர்யா நடிக்கவிருக்கும் வெங்கட் பிரபு படத்தில் ரவிதேஜா, சோனம் கபூர், டாப்ஸி ஆகியோர் நடிக்கின்றனர். சோனம் கபூர் சூர்யாவிற்கு ஜோடியாகவும், டாப்ஸி ரவி தேஜாவிற்கு ஜோடியாகவும் நடிக்கின்றனர்.