பசுபதி என்னும் நடிகன்!

வசந்தபாலன் இயக்கத்தில் அடுத்து வெளிவர இருக்கும் படம் 'அரவான்'. ஆதி, பசுபதி, தன்ஷிகா, அர்ச்சனா கவி, பரத், அஞ்சலி மற்றும் பலர் நடித்து இருக்கிறார்கள்.

பிப்ரவரி 24ம் தேதி வெளியாகும் என அறிவிக்கப்பட்டு தற்போது மார்ச் 2ம் தேதி வெளியாகும் என  உறுதிசெய்யப்பட்டு இருக்கிறது.

வசந்தபாலன் - பசுபதி இருவருமே 'வெயில்' படத்தில் ஒன்றாக பணியாற்றி இருக்கிறார்கள். 'அரவான்' படத்தில் இந்த ஜோடி மீண்டும் இணைந்து இருக்கிறது.

'அரவான்' படத்தில் பசுபதியின் பங்கு குறித்து வசந்தபாலன் தனது பேஸ்புக் இணையத்தில் " பசுபதி போன்ற மாபெரும் நடிகனுக்கு தமிழ்சினிமா இன்னும் சரியான தீனி போடவில்லை.அவருடைய ஒவ்வொரு அசைவிலும் உண்மையும் ஆத்மாவும் கலந்த நடிப்பு இருக்கும்,முழுதாக தன்னை நடிப்புக்கு ஒப்புக்கொடுத்த நடிகன். நடிப்பைத் தவிர அவருக்கு எதுவும் தெரியாது.

எனக்கும் அவருக்குமான நட்பில், நான் அவர் நடிப்பின் மீது கொண்டு ஆழமான காதல் இருக்கும், அவருக்கு என் மீது முழுமையான நம்பிக்கை இருக்கும், ஒவ்வொரு டேக்குக்கும் விதவிதமான நடிப்பை வழங்குவார். அரவானில் அவர் நடிப்பு பேசப்படும் " என்று தெரிவித்துள்ளார்.