பி.ஏ.சங்மா விட்ட சவால்! பின்வாங்கும் காங். தரப்பு!

ஜனாதிபதி தேர்தலில் பிரணாப் முகர்ஜியை எதிர்த்து போட்டியிடும் பி.ஏ.சங்மா, நலிந்து வரும் பொருளாதாரம், பெருகி வரும் ஊழல்கள் குறித்து ஜனாதிபதி வேட்பாளர் பிரணாப் முகர்ஜி நேருக்கு நேர் விவாதத்துக்கு தயாரா என விடுத்துள்ள சவாலை காங்கிரஸ் நிராகரித்தது.இது பற்றி காங்கிரஸ் செய்தி தொடர்பாளர் மணீஷ் திவாரி, டெல்லியில் இன்று நிருபர்களிடம் பேசுகையில், "நாட்டின் பொருளாதாரத்தை நிர்வகிக்குமாறு இந்திய அரசியல் சட்டம் ஜனாதிபதிக்கு உத்தரவிடவும் இல்லை. அதிகாரம் வழங்கவும் இல்லை. எனவே இது குறித்த பொது விவாத அழைப்பு வாதப்பூர்வமாக பின்பற்றத் தகுந்தது அல்ல'' என கூறினார்.