ராகுலை சந்தித்த பிரபல நடிகைகள்

சென்னைக்கு வந்திருக்கிறார் ராகுல் காந்தி. இளம் தலைவரான இவரது பார்வை தமிழகத்தை கூர்மையாக பார்க்க துவங்கியிருக்கிறது. அதுவும் சினிமா தொடர்பான பிரபலங்களை சந்திக்கிற விஷயத்தில் அதிக ஆர்வம் காட்டுகிறாராம். விஜய் அரசியலுக்கு வரப்போகிறார் என்ற அழுத்தமான நம்பிக்கை ஏற்பட்டதே இவர் விஜய்யை சந்தித்த பிறகுதான்! அதன்பின் ராதாரவியும் ராகுலை சந்தித்தார் என்பது நினைவிருக்கலாம்.

இந்த முறை சென்னைக்கு வந்திருக்கும் ராகுலை பிரபல நடிகைகள் சிலர் சந்திக்க முன் அனுமதி பெற்றிருக்கிறார்கள். வெறும் நடிகைகளாக மட்டும் இல்லாமல் சமூக பணிகளிலும் தங்களை ஈடுபடுத்திக் கொள்கிற ரேவதி, ரோஹிணி, சுஹாசினி, மற்றும் நடிகர் நாசரின் மனைவி கமீலா நாசர் ஆகியோர்தான் இந்த சந்திப்பில் இடம் பெறப்போகிறவர்கள்.

இந்த சந்திப்பு எது குறித்து என்பதெல்லாம் பின்னர்தான் தெரியவரும் போலிருக்கிறது.