டைரக்டர் வெங்கட்பிரபு இயக்கத்தில் நடிகர் அஜித் நடிக்கும் படம் மங்காத்தா. தயாநிதி அழகிரியின் க்ளவுட் நைன் மூவிஸ் சார்பில் உருவாகி வரும் இப்படத்தின் பிரபல நடிகர் நாகார்ஜூனா நடிப்பதாக முதலில் தகவல்கள் வெளியாகின. ஆனால் இப்போது அவர் நடிக்கவில்லை; அந்த கேரக்டரில் நடிகர் அர்ஜூன் நடிக்கிறார் என்ற செய்தி வெளியாகியுள்ளது. படத்தின் முக்கிய கேரக்டர் ஒன்றில் தலை காட்டும் அர்ஜூன் முற்றிலும் வித்தியாசமாக நடிப்புத் திறமையை வெளிப்படுத்த உள்ளார். அர்ஜூனும், அஜித்தும் சேர்ந்து நடிப்பது இதுதான் முதல் முறை. வெளிநாடு சூட்டிங், உள்ளூர் சூட்டிங் என மங்காத்தா படப் பணிகள் விறுவிறுப்பாக நடந்து வந்ததும், இடையில் செலவுக்கணக்கு விவகாரத்தில் சூட்டிங்கில் தொய்வு ஏற்பட்டதும் தெரிந்த சங்கதிதான். இப்போது அஜித்தின் பிறந்த நாளான மே 1ம்தேதி திரையிடும் எண்ணத்தில் படப்பிடிப்பை துரிதப்படுத்தியிருக்கிறார்களாம். மங்காத்தாவின் நாயகிகளாக த்ரிஷா, வேதிகா, லட்சுமிராய் ஆகியோர் நடித்து வருகிறார்கள்.
No comments:
Post a Comment