திருநங்கை கல்கி நாயகியாக நடிக்கும் 'நர்த்தகி'

 திருநங்கை கல்கி நாயகியாக நடிக்கும் நர்த்தகி படத்தில் 100  திருநங்கைகளும் நடிக்கின்றனர்.

தமிழகத்தின் பிரபலமான  திருநங்கைகளில் ஒருவரான கல்கி திரைப்படத்தில் நாயகியாக அவதாரம் எடுத்துள்ளார். உலகிலேயே திருநங்கை ஒருவர் கதாநாயகியாக நடிப்பது இதுவே முதல் முறை என்பது குறிப்பிடதக்கது.  திருநங்கைகள் குறித்த கதையான நர்த்தகி படத்தின் நாயகியாக கல்கி நடிக்கிறார்.

தற்போது இப்படத்தின் படப்பிடிப்பு செஞ்சிக் கோட்டையில் நடந்து வருகிறது. விறுவிறுப்பாக நடந்து வரும் இப்படத்தில் 100  திருநங்கைகள் கலந்து கொண்டு நடித்து வருகின்றனர்.

 திருநங்கைளின் மறுபக்கத்தை சித்தரிக்கும் படமான இது  திருநங்கைகள் குறித்த தவறான எண்ணத்தை முழுமையாக மாற்றியமைக்கும் என்கிறார் படத்தின் இயக்குநர் விஜய பத்மா. பிப்ரவரி மாதம் இப்படம் திரைக்கு வருகிறது. ஜி.வி.பிரகாஷ் இசையமைப்பி்ல உருவாகும் இப்படத்தை புன்னகைப் பூ கீதா தயாரிக்கிறார்.