மங்காத்தாவில் இடம்பெறும் ரஜினி பாடல்

டைரக்டர் வெங்கட் பிரபு இயக்கத்தில் அஜீத், திரிஷா நடிப்பில் மிகவேகமாக உருவாகி வரும் படம் "மங்காத்தா". இப்படத்தை க்ளவுடு நைன் மூவிஸ் சார்பில் துரை தயாநிதி தயாரித்து வருகிறார். இந்த படத்திற்கு ரசிகர்கள் மத்தியில் இப்போதே மிகுந்த எதிர்ப்பார்ப்பு ஏற்பட்டுள்ளது. தினம் தோறும் 'மங்காத்தா' படத்தை பற்றி வெளிவரும் புதிய புதிய செய்திகள் அந்த எதிர்ப்பார்ப்பை அதிகரித்த வண்ணம் உள்ளது.

அஜித் ரஜினியின் தீவிர ரசிகர் என்பது அனைவரும் அறிந்ததே! அஜித் தனது அண்மைகால பேட்டிகளில் கூட அதை சொல்ல தவறுவது இல்லை. ரஜினியின் நடிப்பில் வெளிவந்து வெற்றி பெற்ற 'பில்லா' திரைப்படத்தை மீண்டும் அஜித் நடிப்பில் வெளிவந்ததும் சக்கைபோடு போடு போட்டது. அந்த படத்தி நடித்து அஜித் ரஜினி ரசிகர் என்பதை உறுதிபடுத்திகொண்டார். 

இந்நிலையில் அஜித் தன்னை ரஜினியின் தீவிர ரசிகர் என்பதை ரசிகர்களுக்கு உணர்த்தும் பொருட்டு மங்கத்தாவில் ரஜினியின் திரைப்படத்திலிருந்து ஒரு பாடலை வைத்துள்ளார். 

ரஜினியின் ஹிட்டான 'ராமன் ஆண்டாலும் ராவணன் ஆண்டாலும் எனக்கொரு கவலை இல்லை!’ பாடலின் சில வரிகளை ரீ-மிக்ஸி ஒரு பாடல் துவங்குகிறது. தொடர்ந்து 'அம்பானி பரம்பரை... அஞ்சாவது தலைமுறை... ஆனந்தம் ஒருமுறைதான்!’ என்று அஜீத் பாணிக்கு மாறுகிறது பாடல். மொத்தத்தில் ரஜினி பாணியில் இருந்து அஜித் பாணிக்கு மாறுவதால் இரண்டு ரசிகர்களையும் ஆட்டம் போட வைக்க முடியும் என்பதே அஜித் கணக்கு.

படம் மே 1ம் தேதி அஜீத் பிறந்தநாளில் வெளியாக இருக்கிறது என்பது ரசிகர்களுக்கு கூடுதல் மகிழ்ச்சி.