அவன் இவனுக்கு யு.ஏ

பாலாவின் அவன் இவன் படத்துக்கு யுஏ சான்றிதழ் கிடைத்துள்ளது.

மே 20ம் தேதி உலகெங்கும் வெளியாகிறது அவன் இவன். யுவன் ஷங்கர் ராஜா இசையில், பாலாவின் இயக்கத்தில், விஷால், ஆர்யா நடிக்க அவர்களுடன் மது ஷாலினி, ஜனனி அய்யர் நடிப்பில் உருவாகியுள்ள படம் அவன் இவன்.

பாலாவின் திரையுலக வரலாற்றில் குறுகிய காலத்தில் எடுக்கப்பட்ட படம் இது என்ற பெருமையும் இப்படத்துக்குக் கிடைத்துள்ளது. முற்றிலும் வித்தியாசமான கேரக்டர்களில் விஷாலும், ஆர்யாவும் நடித்துள்ளனர்.

இந்த நிலையில் இப்படத்துக்கு சென்சார் போர்டு சான்றிதழ் அளித்துள்ளது. யுஏ சான்றிதழைப் படத்திற்குக் கொடுத்துள்ளது சென்சார் போர்டு. இதையடுத்து மே 20ம் தேதி படம் திரைக்கு வருகிறது.

படத்தில் இடம் பெற்ற சில காட்சிகளை நீக்கினால் யு சான்றிதழ் தரலாம் என்று சென்சார் போர்டு அதிகாரிகள் கூறியுள்ளனர். அவற்றை நீக்க விரும்பாவிட்டால் யுஏ தரப்படும் என்று அதிகாரிகள் கூறியுள்ளனர். பாலா காட்சிகள் நீடிக்க வேண்டும் என்று விரும்பியதால் யுஏ சான்றிதழ் கிடைத்துள்ளது.

கல்பாத்தி அகோரம் தயாரித்துள்ள இப்படத்தை வெளியிடுகிறது சன் பிக்சர்ஸ்.