கமலின் விஸ்வரூபத்தில் ஸ்ரேயா...?

கமலின் நடிப்பு மற்றும் இயக்கத்தில் உருவாகி வரும் "விஸ்வரூபம்" படத்தில் இரண்டாவது நாயகியாக ஸ்ரேயா நடிக்க இருப்பதாக கூறப்படுகிறது.

"மன்மதன் அம்பு" படத்தை தொடர்ந்து கமல்ஹாசன் நடிக்கும் படம் "விஸ்வரூபம்". இப்படத்தை முதலில் செல்வராகவன் இயக்குவதாக இருந்தது. இந்நிலையில் கமலுக்கும், செல்வாவுக்கும் ஏற்பட்ட திடீர் பிரச்சனையால், இப்படத்திலிருந்து செல்வா அதிரடியாக நீக்கப்பட்டார். கூடவே படத்தை இயக்கும் பொறுப்பையும் கமலே ஏற்றார். படத்தில் கமலுக்கு ஜோடியாக பாலிவுட்டின் இளம் நாயகி சோனாக்ஷி சின்ஹா நடிக்கிறார். தற்போது விஸ்வரூபம் படத்தின் சூட்டிங் லண்டனில் ஆரம்பமாகி தொடர்ந்து நடைபெற்று வருகிறது.

இதனிடையே படத்தில் இரண்டு நாயகி என்றும், இரண்டாவது நாயகியாக நடிகை ஸ்ரேயா ஒப்பந்தமாகி இருப்பதாகவும் தகவல் வெளியாகியுள்ளது. ஏற்கனவே ஸ்ரேயா கமலின் "மர்மயோகி" படத்தில் நடிக்க இருந்து, அதற்கான போட்டோ சூட்டிங்கிலும் கலந்து கொண்டார். ஆனால் சில பல பிரச்சனைகளால் இப்படம் தள்ளிப்போனது. இந்நிலையில் "விஸ்வரூபம்" படத்தை கமலே இயக்க இருப்பதால், ஸ்ரேயாவுக்கும் இப்படத்தில் ஒரு நல்ல கேரக்டர் கொடுத்து நடிக்க வைக்க திட்டமிட்டு இருப்பதாக கூறப்படுகிறது.