அஜீத்திடம் பேசிவிட்டு உங்களுக்கு தெரிவிக்கிறேன்: சிம்பு

'வானம்' ஹிட் என்ற ரிசல்ட் வந்ததும் சிம்பு இப்படிதான் தனது ஃபேஸ்புக்கில் துள்ளிக் குதித்திருக்கிறார்! இந்த நம்பிக்கை வெற்றிபெற ஆண்டவனும் தன் பங்குக்கு செயல்பட்டு தியேட்டருக்குள் ரசிகர்களை அனுப்பட்டும் என்பதே நமது பிரார்த்தனையும். அது போக, இன்னொரு முக்கிய செய்தி. சிம்புவும் பேஸ்புக்கும் சிலேட்டும் பலப்பமும் மாதிரி இணை பிரியாமல் இருக்கிறார்கள் என்பதற்கு இன்னொரு உதாரணம் இது.

சமீபத்தில் அஜீத் தனது ரசிகர் மன்றத்தை கலைத்தார் அல்லவா? லட்சக்கணக்கான அவரது ரசிகர்கள் அதிர்ந்து போய்விட்டார்கள். அதில் சிம்புவும் ஒருவர். ஏனென்றால் தல யின் தலையாய ரசிகர்களில் முக்கியமானவர் சிம்பு. இதன் காரணமாக ஏராளமான அஜீத் ரசிகர்கள் இந்த பிரச்சனையை சிம்புவிடம் முறையிட ஆரம்பித்துவிட்டார்களாம். அதையெல்லாம் படித்தவர், ரசிகர்களுக்கு ஆறுதல் அளிக்கும் விதத்தில் சில வார்த்தைகளை எழுதியிருக்கிறார்.

எனது செல்போன் இன்று காலை முதல் ரிங் ஆகி கொண்டே இருக்கிறது. அது மட்டுமல்லாது எனது இன்பாக்ஸ் நிரம்பி வழிகிறது. ஒரு அஜீத் ரசிகனாக எனக்கு இந்த செய்தி பெரும் அதிர்ச்சியாக இருக்கிறது. இது குறித்து கண்டிப்பாக அஜீத்திடம் பேசிவிட்டு உங்களுக்கு தெரிவிக்கிறேன்"

சிம்புவின் இந்த நம்பிக்கைகுரிய வார்த்தைகளை கேட்டு பதிலுக்காக காத்திருக்கிறார்கள் ரசிகர்கள்.