கோ வெளியாகி ரசிகர்களிடத்தில் பெரும் வரவேற்பை பெற்றதுடன், வசூலையும் வாரி குவிக்கிறது. தமிழகம் மட்டுமின்றி அமெரிக்காவிலும் கோ வின் வசூல் அபாராம் என்று கூறுகின்றனர். இதில் நடித்த ஜீவாவுக்கு பாராட்டுகள் குவிய, இந்த படத்தில் முதலில் நடிக்க இருந்த சிம்புவையும் கோ படத்தின் வெற்றியில் இணைத்திருக்கிறார்கள் அவரது ரசிகர்கள்.
சிம்புவின் வலைதளத்தை முற்றுகையிட்ட ரசிகர்கள் கோ படத்தில் சிம்பு நடித்திருக்கலாம். தேவையில்லாமல் மிஸ் பண்ணிட்டாரு என்றும், அதில் அரசியல் இருக்கிறது அதனால் நடிக்காததே நல்லது என்றும் விவாதித்து வருகிறார்கள். இப்படி ஃபேஸ்புக், ட்விட்டர், ஆர்குட் என்று பல முனைகளிலிருந்தும் இப்படத்தின் வெற்றி பற்றி சிம்புவின் ரசிகர்கள் விவாதித்துகொண்டிருக்கிறார்கள்.
ரசிகர்களின் இந்த செயல் சிம்புவை கொஞ்சம் சீறிப்பார்க்க, "வேறொருவர் நடித்த படத்தை பற்றி இப்படி விவாதிப்பது பொறுத்தமாக இருக்காது. ஒரு படத்தில் நடிப்பதும் மறுப்பதும் அந்த நடிகரின் விருப்பம். இந்த படத்தை யாரும் தவறாக விமர்சிக்க வேண்டாம். நானும் இந்த துறையில்தான் இருக்கிறேன். எனவே இந்த விவாதத்தை இதோடு நிறுத்துக் கொள்ளுங்கள். வருகிற 29ஆம் தேதியன்று வானம் வருகிறது. அதை வெற்றி பெற செய்யுங்கள்" என்று சிம்பு தனது ரசிகர்களுக்கு கட்டளை பிறப்பித்திருக்கிறார்.
No comments:
Post a Comment