கனவில் யானை : பதட்டத்தில் ராகுல்

காங்கிரஸ் கட்சி பொதுச்செயலாளர் ராகுலின் கனவில் தற்போது அடிக்கடி யானை வருவதாகவும், விரைவில் டில்லி தலைமை பொறுப்பை மாயாவதி தலைமையிலான பகுஜன் சமாஜ் கட்சி பிடித்துவிடுவோம் என்று கனவில் வரும் யானை அடிக்கடி அறிவுறுத்துவதால், ராகுல் பயத்தில் ஏதேதோ உளறுவதாக பகுஜன் சமாஜ் கட்சி தேசிய பொதுச் செயலாளர் சதீஷ் சந்திரா மிஸ்ரா கூறியுள்ளார். சந்தோலியில் நடைபெற்ற தேர்தல் பிரசாரக் கூட்டத்தில் மிஷ்ரா பேசியதாவது, வெளிநாடுகளை சுற்றி வரும் ராகுல் கூறுகிறார், உத்தரபிரதேசக்காரர்கள் பிச்சைக்காரர்கள் என்று, உண்மை என்ன என்பது அனைவருக்கும் தெரியும். மாயாவதி தலைமையிலான உ.பி. அரசு., 2020ம் ஆண்டிற்குள் மின் சக்தியை அதிகளவில் உற்பத்தி செய்து , மற்ற மாநிலங்களுக்கும் வழங்கும் வகையில் திட்டம் வகுத்துள்ளது என்று அவர் கூறினார்.