தமிழக அரசின் வெவ்வேறு துறைகளுக்கு தேவையான ஊழியர்களும், அதிகாரிகளும் தமிழ்நாடு அரசுப் பணியாளர் தேர்வாணையம் (டி.என்.பி.எஸ்.சி.) மூலமாக தேர்ந்தெடுக்கப்படுகிறார்கள். கடந்த ஆண்டு ஜுலை மாதம் 30-ம் தேதி டி.என்.பி.எஸ்.சி குரூப்-2 தேர்வு நடத்தப்பட்டது.
இந்த தேர்வை தமிழகம் முழுவதும் 9 லட்சம் பட்டதாரிகள் எழுதினார்கள். பழைய தேர்வுகளின் முடிவுகள் வெளியிடப்பட்ட நிலையில், ஓராண்டுக்கு முன்பு நடத்தப்பட்ட குரூப்-2 தேர்வு முடிவு மட்டும் வெளியாகாமல் இருந்தது. தேர்வு எழுதியவர்கள் அனைவரும் தேர்வு முடிவுகளை எதிர்பார்த்து வந்த நிலையில் குரூப் 2 தேர்வுக்கான முடிவுகள் இன்று மாலை வெளியிடப்படும் என டி.என்.பி.எஸ்.சி. தலைவர் ஆர்.நட்ராஜ் அறிவித்திருந்தார்.
அதன்படி குரூப்-2 தேர்வு முடிவுகள் தற்போது வெளியிடப்பட்டுள்ளன. தேர்வு முடிவுகளை சென்னை கிரீம்ஸ் சாலையில் அமைந்துள்ள டி.என்.பி.எஸ்.சி. அலுவலக அறிவிப்பு பலகையிலும், டி.என்.பி.எஸ்.சி இணையதளத்திலும் தெரிந்து கொள்ளலாம்.
No comments:
Post a Comment