இணைய தளம் மூலம் 3 பெண்களை ஏமாற்றி மோசடி திருமணம்: மும்பை வாலிபர் கைது

மும்பையை சேர்ந்தவர் அமீர்கான். இவர் திருமணம் இணையதளம்  மூலம் பொய்யான  தகவல்களை கூறி பெண்களை  ஏமாற்றி மோசடியாக திருமணம் செய்து உள்ளார்.

 

சென்னை, ஐதராபாத்தை  சேர்ந்த 3 பெண்களை அவர் ஏமாற்றி திருமணம்  செய்து  உல்லாசமாக இருந்து விட்டு அவர்களது நகைகளை  பறித்து சென்றுள்ளார். அந்த பெண்களின்   ஏழ்மையை  பயன்படுத்திக் கொண்டு  அவர் இந்த மோசடியில் ஈடுபட்டுள்ளார்.

 

இதில் பாதிக்கப்பட்ட பெண் ஒருவர் போலீஸ் கமிஷனர் அலுவலகத்தில் புகார்  செய்தார். சைபர் கிரைம் போலீசார் இது தொடர்பாக  விசாரணை நடத்தி அமீர்கானை  கைது செய்தனர். அவன்  வெவ்வேறு பெயர்களில் பெண்களை ஏமாற்றி திருமணம் செய்து உல்லாசம் அனுபவித்தது விசாரணையில் தெரிய வந்தது.

 

அவனிடம் இருந்து 6 செல்போன், லேப்டாப், ஐபேடு  ஆகியவற்றை போலீசார் பறிமுதல் செய்தனர்.