நான் ரஜினி ரசிகன்: இலங்கை முன்னாள் கிரிக்கெட் வீரர் ஜெயசூர்யா

டெல்லியில் டான்ஸ் ரியாலிட்டி ஷோ ஒன்று நடக்க இருக்கிறது. இதில், சினிமா உள்ளிட்ட பல துறைகளிலும் உள்ள பிரபலங்கள் பலர் கலந்து கொள்கின்றனர். இலங்கை முன்னாள் கிரிக்கெட் வீரர் ஜெயசூர்யாவும் இதில் பங்கேற்கிறார்.

 

டெல்லி வந்துள்ள அவர் நடன பயிற்சியில் ஈடுபட்டுள்ளார். ஓய்வுக்கு இடையே ஜெயசூர்யா அளித்த பேட்டி வருமாறு:-  

 

ரஜினிகாந்த் ரசிகர்களில் நானும் ஒருவன். அவர் நடித்துள்ள சில படங்களை பார்த்திருக்கிறேன். அவரது நடிப்பும், ஸ்டைலும் எனக்கு பிடிக்கும். இந்தி சினிமா உலகில் மாதுரி தீட்சித்தை எனக்கு மிகவும் பிடிக்கும். இந்தி சினிமா பார்த்ததில்லை. ஆனால் மாதுரி தீட்சித் நடித்த ஒரு படம் பார்த்திருக்கிறேன். படத்தின் பெயர் ஞாபகமில்லை. அந்த படத்தில் அவர் சிறப்பாக நடனம் ஆடியுள்ளார். அவர் ஒரு சிறந்த நடன கலைஞர்.  

 

எனக்கு நடனம் ஆடவே தெரியாது. இப்போதுதான் நடனம் ஆட பயிற்சி எடுக்கிறேன். நடனம் என்பது கடினமான மற்றும் வித்தியாசமான பணியாகும். ‘ரியாலிட்டி ஷோ’வில் என்னால் இயன்ற அளவுக்கு சிறப்பாக ஆட முயற்சி செய்வேன். பயிற்சி வகுப்பை நல்லமுறையில் பயன்படுத்தி வருகிறேன்.

 

இவ்வாறு அவர் கூறினார்.