பல கோடி பணம் செலுத்தியும் தமிழகத்துக்கு மின்சாரம் கிடைக்காதது ஏன்?: நீதிமன்றம் கேள்வி

பிற மாநிலங்களிலிருந்து தமிழகத்துக்கு மின்சாரம் கொண்டு வருவதில் நிலவும் சிக்கல்கள் பற்றி விளக்கம் கேட்டு, ஸ்டாலின் என்ற வழக்கறிஞர் சென்னை உயர்நீதிமன்ற மதுரைக் கிளையில் மனு செய்திருந்தார்.

அவரது மனுவை ஏற்று விசாரணை நடத்திய நீதிபதி, மின்சாரம் கொண்டு வருவதில் நிலவும் சிக்கல்கள் பற்றி விளக்கம் அளிக்குமாறு தமிழக அரசுக்கு உத்தரவிட்டுள்ளார். மேலும், பல கோடி பணம் செலுத்தியும் தமிழகத்துக்கு மின்சாரம் கிடைக்காதது ஏன்? எனவும், மின்சாரம் பெறுவதற்காக பிற மாநிலங்களுக்கு தமிழகம் எவ்வளவு பணம் செலுத்தியுள்ளது? எனவும் தமிழக அரசுக்கு நீதிபதி கேள்வி எழுப்பியுள்ளார்.

குஜராத், ஜார்க்கண்ட் மாநிலங்கலிலிருந்து மின்சாரம் பெற தமிழகம் பல கோடி பணம் செலுத்தியுள்ளதாகவும், ஆனால் மின்சாரம் கொண்டு வரும் பாதையிலுள்ள இடர்பாடுகளால் தமிழகத்துக்கு சிக்கல் ஏற்பட்டுள்ளதாகவும் தமிழக அரசு கூறியிருந்தது குறிப்பிடத்தக்கது.