மன்மதன் அம்பு தோல்வியை ஒத்து கொள்கிறேன், எந்திரனோடு ஒப்பிடாதீர்கள் : மாதவன்

கமல் நடித்த மன்மதன் அம்பு படத்தை ரஜினியின் எந்திரன் போன்ற பெரும் வெற்றிப் படத்தோடு ஒப்பிடுவது தவறு. எதிர்ப்பார்த்த மாதிரி இந்தப் படம் ஓடவில்லை என்பதை ஒப்புக் கொள்கிறேன், என்று கூறியுள்ளார் நடிகர் மாதவன். 

இதுகுறித்து சமீபத்தில் மாதவன் அளித்துள்ள பேட்டி:
ரஜினி சார் நடித்த எந்திரன் மற்றும் அந்தப் படத்துக்குக் கிடைத்த வரவேற்பு, வசூலுடன் மன்மதன் அம்பு படத்தை ஒப்பிடுவது தவறு. சில நேரங்களில் எல்லாம் சரியாக செய்தாலும் ஏதோ ஒரு தவறால் தோல்வி ஏற்பட்டு விடும். மன்மதன் அம்பிலும் அதுதான் நடந்தது.

பாக்ஸ் ஆபீஸில் எந்திரன் அளவுக்கெல்லாம் இந்தப் படம் சாதிக்காது என்பது தெரியும். இது ஒரு சுமாரான படம். ஓரளவு வசூல் இருந்தது என்பதே உண்மை. இந்தப் படத்தில் எனது வேடம் மிகவும் நல்ல விமர்சனங்களைப் பெற்றது. அது உண்மையிலேயே எனக்கு மகிழ்ச்சி தரும் விஷயம்தான்," என்றார்.