அ.தி.மு.க.,வில் இணைந்த வில்லன் நடிகர்

அ.தி.மு.க., பொதுச்செயலர் ஜெயலலிதா முன்னிலையில், வில்லன் நடிகர் பொன்னம்பலம் உட்பட, 8,974 பேர் அ.தி.மு.க.,வில் இணைந்தனர்.

அ.தி.மு.க., தலைமை அலுவலகத்திற்கு ஜெயலலிதா வந்தார். அ.தி.மு.க., வினர் திரளாக நின்று வரவேற்றனர். வில்லன் நடிகர் பொன்னம்பலம், பின்னணி பாடகர் சிலோன் மனோகர், சூரியக்கதிர் பத்திரிகை ஆசிரியர் கதிர்வேலு, அகில இந்திய சர்.பிடி.தியாகராயர் தெலுங்கு தேவாங்கர் சங்க பொதுச்செயலர் இளங்கோ, விருப்ப ஓய்வு பெற்ற சிறை கண்காணிப்பாளர் ராஜா உட்பட பலர், ஜெயலலிதா முன்னிலையில், அ.தி.மு.க., வில் இணைந்தனர். மதுரை, சென்னை, செங்கல்பட்டு, கோவை, திருச்சி, நெல்லை ஆகிய நகரங்களில் உள்ள அரசு சட்டக் கல்லூரிகள் மற்றும் தனியார் சட்டக் கல்லூரி மாணவர்கள் 150 பேர் உட்பட மொத்தம் 8,974 பேர் ஜெயலலிதா முன்னிலையில் அ.தி.மு.க.,வில் இணைந்தனர்.