திமுகவுக்கு ஆதரவாக நடிகர் வடிவேலு பிரசாரம் செய்யவிருப்பதையடுத்து அதிமுகவுக்கு ஆதரவாக நடிகர் விவேக்கை பிரசாரத்தில் ஈடுபடுத்த முயற்சிகள் நடந்து வருகின்றன.
வைகைப் புயல் தற்போது திமுகவுக்கு ஆதரவாக வீசத் துவங்கியுள்ளது. நகைச்சுவை நடிகர் வடிவேலுவைத்தான் வைகைப் புயல் என்பார்கள் ரசிகர்கள். அவர் திமுக தலைவர் கருணாநிதியைச் சந்தித்து திமுகவுக்கு ஆதரவாக பிரசாரம் செய்வதாக வாக்குறுதி அளித்தார்.
இதுவரை அரசியல் பக்கம் வராத வடிவேலு தற்போது திமுகவை ஆதரித்து வரும் 23-ம் தேதி முதல் பிரசாரம் செய்யவிருக்கிறார். இது ஒரு பக்கம் இருக்க, மறுபக்கம் இன்னொரு முக்கிய காமெடி நடிகரான விவேக்கை அதிமுவுக்கு ஆதரவாக தேர்தல் பிரசாரம் செய்ய முயற்சிகள் நடந்து வருகின்றன.
இதற்கு விவேக் சம்மதித்தால் தேர்தல் களத்தில் ஒரே துறை மற்றும் ஒரே ஊரைச் சேர்ந்த இரண்டு நடிகர்களும் எதிர் எதிர் அணியில் நின்று பிரசாரம் செய்வார்கள்.
குறிப்பிட்ட எந்த ஜாதி அல்லது இனத்துக்கும் ஆதரவான கட்சியாக அதிமுகவை காட்டிக் கொண்டதில்லை அமரர் எம்ஜிஆர். ஆனால் ஜெயலலிதா வந்தபிறகு அதிமுகவை தேவர் இன கட்சியாகவே முன்னிறுத்தி வந்துள்ளார். இதைத்தான் விவேக்கும் கடந்த சில ஆண்டுகளாக செய்து வருகிறார். எனவே அவர் அதிமுகவுக்குப் பிரச்சாரம் செய்ய சம்மதிப்பார் என்கிறார்கள்.
No comments:
Post a Comment