சிம்பு நடிக்கும் ஒவ்வொரு படத்திலும் தான் ஒரு அஜீத் ரசிகர் என்பதை ஒரு காட்சியிலும் நீருபிக்க முயல்வார் சிம்பு. அதற்கு சமீபத்திய உதாரணம் 'வானம்' படத்தில் அவர் அறிமுகமாகும் காட்சி அதற்கு ஒரு முக்கியமான சான்று.
இந்நிலையில் அஜீத் தனது ரசிகர் மன்றங்கள் அனைத்தையும் கலைத்து விட்டதாக அறிவித்தார். இது குறித்து பெரும் ஏமாற்றம் அடைந்த சிம்பு, தனது ஃபேஸ் புக் இணையத்தில் " எனது செல்போன் இன்று காலை முதல் ரிங் ஆகி கொண்டே இருக்கிறது. அது மட்டுமல்லாது எனது இன்பாக்ஸ் நிரம்பி வழிகிறது. ஒரு அஜீத் ரசிகனாக எனக்கு இந்த செய்தி பெரும் அதிர்ச்சியாக இருக்கிறது. இது குறித்து கண்டிப்பாக அஜீத்திடம் பேசிவிட்டு உங்களுக்கு தெரிவிக்கிறேன்" என்று கூறியுள்ளார்.
அது மட்டுமல்லாது மே 1-ம் தேதி அஜீத்தின் பிறந்த நாளன்று 'மங்காத்தா' பாடல்கள் வெளியிட முடியாத காரணத்தால், ஒரு சிறிய பாடல் டிரெய்லரை வெளியிட்டனர்.
இதுவரை இல்லாத அளவுக்கு 'மங்காத்தா' பாடல் டிரைலரை ஐந்து லட்சம் பேர் உலகம் முழுவதும் பார்த்திருப்பதாகவும், மூன்று லட்சம் பேர் தரவிரக்கம் செய்திருப்பதாகவும் வெங்கட்பிரபு கூறியிருக்கிறார்.
No comments:
Post a Comment