மசாலா இல்லை.... மசாலா காபி!

டைரக்டர் சுந்தர் சி., இயக்கும் புதிய படத்தின் பெயர் மசாலா என்று கூறப்பட்டு வந்த நிலையில், அப்படத்திற்கு மசாலா காபி என பெயரிட்டிருப்பதாக அறிவிக்கப்பட்டுள்ளது. அருணாச்சலம், அன்பே சிவம், உள்ளத்தை அள்ளித்தா, வின்னர், கிரி உள்ளிட்ட படங்களை இயக்கிய டைரக்டர் சுந்தர் சி., சிறு இடைவெளிக்குப்பின் மீண்டும் ஒரு படத்தை இயக்குகிறார். இந்த படத்துக்கு பெயர் மசாலா என்று முதலில் கூறப்பட்டது. இந்நிலையில் படத்தின் பெயரை `மசாலா காபி என்று சூட்டப்பட்டு இருப்பதாக சுந்தர் சி., கூறியுள்ளார்.

இதில் விமல், சிவா, சந்தானம், அஞ்சலி, ஓவியா மற்றும் பலர் நடிக்கிறார்கள். யு.கே.செந்தில்குமார் ஒளிப்பதிவு செய்கிறார். பத்ரி வசனம் எழுதுகிறார். கதை, திரைக்கதை எழுதி இயக்குகிறார் சுந்தர் சி. யு.டி.வி நிறுவனமும், அவ்னி சினி மேக்ஸ் நிறுவனமும் இணைந்து இந்த படத்தை தயாரிக்கின்றன. படத்தின் சூட்டிங் நவம்பரில் கும்பகோணத்தில் தொடங்குகிறது. அடுத்த ஆண்டு கோடை விருந்தாக படத்தை திரைக்கு கொண்டு வர திட்டமிட்டுள்ளனர்.