டிசம்பரில் துவங்கும் பாலாவின் புதிய படம் 'எரியும் தணல்' !

அதர்வாவை கதையின் நாயனாக்கி படம் ஒன்றை இயக்க இருக்கிறார் பாலா.

அப்படத்தின் தலைப்பு என்ன என்பது வெளியாகாமல் இருந்தது. இந்நிலையில் படத்திற்கு 'எரியும் தணல்' என்று பெயரிட்டு இருக்கிறாராம் பாலா.

'எரியும் தணல்' என்கிற பெயரில் வெளியான மலையாள நாவலைத் தான் படமாக்க இருக்கிறாராம்.  தனது மகனை வளர்க்க கஷ்டப்படும் தம்பதியினரை பற்றிய நாவல் அது.

கதையில் மகனாக அதர்வா நடிக்க இருக்கிறார். அப்பா, அம்மா பாத்திரத்தில் நடிக்க முக்கிய நடிகர், நடிகையிடம்  பேச்சுவார்த்தை நடைபெற்று வருகிறது.

இப்படத்திற்கு ஜி.வி.பிரகாஷ்குமார் இசையமைக்க இருக்கிறார்.  டிசம்பர் மாதம் 'எரியும் தணல்' படப்பிடிப்பு துவங்க இருக்கிறது.