இந்தி ரீமேக்காகிறது 'தளபதி' !

மணிரத்னம் இயக்கத்தில் ரஜினி, மம்மூட்டி மற்றும் பலர் நடிப்பில் 1991ம் ஆண்டு வெளிவந்த படம் 'தளபதி'. சந்தோஷ் சிவன் தமிழில் ஒளிப்பதிவாளராக அறிமுகமான படம் இது.

'தளபதி' படம் இந்தியில் ரீமேக்காக இருக்கிறது.  இந்தி உரிமையை இந்தி தயாரிப்பாளர் பரத் ஷா  வாங்கி இருக்கிறார். மணிரத்னத்துடன் இணைந்து 'அலைபாயுதே' படத்தின் இந்தி பதிப்பை தயாரித்தவர் பரத் ஷா.

'தளபதி' இந்தி ரீமேக்கை PUJA JATINDER என்பவர் இயக்க இருக்கிறார். யார் எல்லாம் நடிக்க இருக்கிறார்கள் என்ற தகவல் இதுவரை வெளியிடப்படவில்லை.

2012ம் ஆண்டு ஜனவரி மாதத்தில் இப்படத்தின் படப்பிடிப்பு துவங்கப்படும் என்று தெரிகிறது.