தாய்லாந்து கிராண்ட் பிரிக்ஸ் பேட்மிண்டன்: இறுதிப் போட்டியில் சாய்னா

தாய்லாந்தில் நடைபெற்று வரும் கிராண்ட்பிரிக்ஸ் பேட்மிண்டன் போட்டியில் பெண்களுக்கான ஒற்றையர் கால் இறுதிப் போட்டி நேற்று நடந்தது.

 

இந்த போட்டியில் இந்தியாவின் சாய்னா நேவால் தாய்லாந்து வீராங்கனை சப்சிரீயை எதிர்கொண்டார். போட்டியின் முடிவில் 21-10, 22-20 என்ற நேர் செட்களில் சப்சிரீயை வீழ்த்தி அரை இறுதிக்கு தகுதி பெற்றார்.

 

அரையிறுதியில் அவர் தாய்லாந்து வீராங்கனை போன்டிப்பை எதிர்கொண்டார். 24-22, 21-11 என்ற நேர் செட்களில் போன்டிப்பை வீழ்த்தி இறுதிப் போட்டிக்கு முன்னேறினார்.  

 

இறுதிப் போட்டியில் மற்றொரு தாய்லாந்து வீராங்கனையான ரச்சநோக் இந்தனோன் என்பவரை சாய்னா எதிர்கொள்கிறார். ரச்சநோக் உலகின் இரண்டாம் நிலை வீராங்கனை என்பது குறிப்பிடத்தக்கது.