“நடிகர்-நடிகைகள் சுயநலவாதிகள்”: பிரபல நடிகர் தாக்கு

நடிகர், நடிகைகள் சுயநலவாதிகள் என்று பிரபல இந்தி நடிகர் நவாசுதீன் சித்திக் குற்றம் சாட்டியுள்ளார். இதுகுறித்து அவர் கூறி இருப்பதாவது:-

இயக்குனர்களுடன் ஒப்பிடும்போது நடிகர்-நடிகைகள் சுயநலம் மிக்கவர்களாக காணப்படுகின்றனர்.

படப்பிடிப்பில் அவர்கள் சம்பந்தப்பட்ட சீன்களில் நடிப்பதிலும் அந்த காட்சிகள் நன்றாக வர வேண்டும் என்பதிலும் மட்டுமே நடிகர்-நடிகைகள் அக்கறை காட்டுகின்றனர். ஆனால் இயக்குனர்கள் அப்படி அல்ல. எல்லோரது சீன்களும் நன்றாக வர வேண்டும் என்று மெனக்கெடுக் கிறார். இயக்குனர்கள் திறமைசாலிகள்.

லாபம் பெறுவதற்கு பெரிய நடிகர்கள் வேண்டும் என்ற அவசியம் இல்லை. ஒரே நடிகர் ஒரே மாதிரி திரும்ப திரும்ப நடிப்பதை ரசிகர்கள் விரும்பவில்லை. எனவே தான் புது நடிகர்களின் நடிப்பு பாராட்டப்படுகின்றன.

இவ்வாறு அவர் கூறினார்.