ஜனாதிபதி தேர்தல் குறித்து நாளை இறுதி முடிவு: பா. ஜனதா

ஜனாதிபதி தேர்தல் விவகாரம் டெல்லி அரசியல் வட்டாரத்தை பரபரப்பாக்கி வருகிறது. காங்கிரஸ் சார்பில் பிரணாப் முகர்ஜி ஜனாதிபதி வேட்பாளராக அறிவிக்கப்பட்டுள்ளார். இவரை எதிர்த்து முன்னாள் சபாநாயகர் பி.ஏ.சங்மா போட்டியிடப் போவதாக அறிவித்துள்ளார்.

 

காங்கிரஸ் கட்சி வேட்பாளரான பிரணாப்பிற்கு அதன் கூட்டணி கட்சிகளும், இடது சாரிகளும் ஆதரவு தெரிவித்துள்ளன. சங்மாவிற்கு ஜெயலலிதாவும், நவீன்பட் நாயக்கும் தங்கள் கட்சியின் ஆதரவை தெரிவித்துள்ளனர்.

 

இந்நிலையில் திரிணாமுல் காங்கிரஸ் கட்சி தனது வேட்பாளராக அப்துல் கலாமை நிறுத்துவோம் என்றிருக்கிறது. மத்தியில் எதிர்க்கட்சியாக இருக்கும் பா.ஜனதா கட்சி இன்னும் அதன் நிலைப்பாட்டை அறிவிக்காமல் இருக்கிறது.

 

இன்று நடைபெற்ற பா.ஜனதா கட்சியின் உயர்மட்டக்குழு கூட்டத்தில் இறுதி முடிவு எதும் எட்டப்படவில்லை. இதுகுறித்து பத்திரிகையாளர்களிடம் கூறிய பா.ஜனதா கட்சியை சேர்ந்த அன்ந்த் குமார் கூறியதாவது;

 

'நடைபெற இருக்கும் ஜனாதிபதி தேர்தலில் பா.ஜனதாவின் நிலைப்பாடு குறித்து நாளை இறுதி முடிவு எடுக்கப்படும். இதற்காக நாளை ஒரு கூட்டம் நடைபெற இருக்கிறது' என்றார்.