அஜித்தின் மங்காத்தாவுக்கு சிக்கல்! குழப்பத்தில் வெங்கட்பிரபு!

டைரக்டர் வெங்கட்பிரபு இயக்கத்தில் நடிகர் அஜித் நாயகனாக நடிக்கும் மங்காத்தா படத்திற்கு அதன் தயாரிப்பாளர் ரெட் சிக்னல் போட்டிருப்பதாக தகவல்கள் வெளியாகியுள்ளன. இதனால் ‌மேற்கொண்டு படப்பிடிப்பை நடத்த முடியாமல் விழித்துக் கொண்டிருக்கிறதாம் மங்காத்தா டீம். பாங்காக்கில் சூட்டிங்கை முடித்துக் கொண்டு சென்னை புறப்பட்டு வந்த மங்காத்தா குழுவினர், படத்தின் தயாரிப்பாளரிடம் செலவு கணக்குகளை கொடுத்திருக்கிறார்கள். பில்லை பார்த்த தயாரிப்பு தரப்புக்கு பல்ஸ் ஏறிடவே... நான் சொன்னதுக்கு அப்புறம் ‌நெக்ஸ்ட் ஷெட்யூல் போனா போதும்னு சொல்லி விட்டார்களாம்.

அடுத்த கட்ட படப்பிடிப்பு தொடங்க சில வாரங்கள் ஆகலாம் என நினைத்த டைரக்டர் வெங்கட்பிரபு உள்ளிட்ட யூத் யூனிட், அடுத்தகட்ட பணிகளை செய்து வந்தனர். அதாகப்பட்டது... இதுவரை படமாக்கிய காட்சிகளுக்கு தேவையான எடிட்டிங், எக்ஸ்ட்ரா பிட்டிங் பணி‌களை செய்து வந்தார். எத்தனை நாட்களுக்குத்தான் அதையே பார்த்துக் கொண்டிருப்பது, என நினைத்த அந்த குழு, மீண்டும் தயாரிப்பாளரை அணுகி நெக்ஸ்ட் ஷெட்யூல் பற்றி கேட்க, முதலில் சொன்ன பதில்தான் மீண்டும் வந்திருக்கிறது. மங்காத்தாவுக்கு தயாரிப்பாளர் போட்ட ரெட் சிக்னல் தொடர்வதால், க்ரீன் சிக்னல் கிடைக்கும் வரை ஓய்வெடுக்கிறேன் எனக் கூறி நாயகன் அஜித் தனது மகளுடன் விளையாடி பொழுதுபோக்கி வருகிறாராம்.

இது உங்களுக்கு பிடித்து இருந்தால் உங்களை போன்று மற்றவர்களும் பயன் பெற ஒட்டு போடுங்கள் .