சின்னத்திக்கு வரும் ஏ.ஆர்.ரஹ்மான்!

இந்தமுறை ஆஸ்கர் விருது கைநழுவிப்போனாலும் அடுத்தடுத்த உயரங்களைத் தொட்டுக்கொண்டே போகிறார் இசைப்புயல் ஏ.ஆர்.ரஹ்மான். ஹாலிவுட் படத்துக்கு இசையமைப்பது என்றாலும் ஒரு விளையாட்டு நிகழ்சிக்கு இசையமைப்பது என்றாலும் இரண்டுமே ஒன்றுதான் ரஹ்மானுக்கு! இரண்டிலுமே அர்ப்பணிப்பைச் செலுத்தும் இவர், ஒரு தமிழ் தொலைக்காட்சித் தொடருக்கு இசையமைக்க இருக்கிறார்!

ஆமாம்! விஜய் டிவிக்காக கௌதம் வாசுதேவ் மேனன் இயக்க இருக்கும் துப்பறியும் தொலைக்காட்சித் தொடருக்காகத்தான் ரஹ்மானின் இசை புதிய பாதையில் பயணம் தொடங்குகிறது. விளம்பர ஜிங்கிள்களில் இருந்து இசைப்பயணத்தை ஆரம்பித்த ரஹ்மானுக்கு இது புதிய பரிமாணம்தான். நடிகர் பார்த்திபன் துப்பறியும் காவல் அதிகாரியாக நடிக்க இருக்கும் இந்தத் தொடர் திங்கள் முதல் வெள்ளி வரையான ஐந்து நாட்களில் ஒரு குற்றத்தைக் காட்டி வெள்ளியன்று குற்றவாளியைப் பிடிப்பதோடு ஒருகதை முடியுமாம். நேயர்களின் வரவேற்பைப் பொறுத்து இந்த நிகழ்சியை எத்தனை வருடங்கள் வேண்டுமானாலும் நடத்தத் தயார் என்று சொல்லியிருக்கிறார் கௌதம் மேனன். கலைஞர் தொலக்காட்சிக்காகத் திட்டமிட்டு இப்போது விஜய் டிவிக்கு இடம் மாறி இருப்பது இந்தத் தொடர்பற்றிய செய்தியில் இன்னொரு தகவல்!