ரானா ஒரு சிறப்பு பார்வை ...

ரஜினி எப்போதுமே... 'டைரக்டர்ஸ் ஆக்டர்!’ ஒரு கதை பிடித்து, கமிட் ஆகி, பூஜை முடித்து படப்பிடிப்புக்கு வந்துவிட்டால், இயக்குநர் என்ன சொல்கிறாரோ... அதை அப்படியே பிரதிபலிப்பார். ஆனால், 'ரானா’வில் அப்படி அல்ல... கதை, திரைக்கதையும் ரஜினியே!

கமலின் வரலாற்று ஆர்வத்துக்கு வடிகாலாகத்தான் 'மருதநாயகம்’ தொடங்கினார். ரஜினிக்கு, 'சந்திரமுகி’ வேட்டையன் கேரக்டருக்கு ரசிகர்கள் மத்தியில் கிடைத்த வரவேற்பு, சரித்திர சினிமா மீது ஆர்வத்தைத் திருப் பியது. சிரஞ்சீவியின் மகன் ராம் சரண் தேஜா நடித்து, தெலுங்கில் வசூல் சாதனை படைத்த 'மஹதீரா’ படத்தின் வெற்றியும் அவரை வசீகரித்தது. அதே சமயம் 'மூன்று முகம்’ அலெக்ஸ் பாண்டியன் ப்ளஸ் மற்றொரு ஜானி ஆகிய இரண்டு கேரக்டர்களையும் வைத்து வெளிவந்த 'சிறுத்தை’யின் கமர்ஷியல் கலெக்ஷனும் ரஜினியின் கவனத்தில் தப்பவில்லை. கே.எஸ்.ரவிக்குமார் இயக்கத்தில், அஜீத் இரட்டை வேடத்தில் நடித்த 'வரலாறு’ படத்தில் அஜீத்தின் இரண்டு கேரக்டர்களுக்கு இடையில் இருந்த வித்தியாசமும் ரஜினியை ரொம்பவே ஈர்த்தது.

ஹிஸ்டாரிக்கல் சினிமா ஆசை, தரை டிக்கெட் வரை ரசிகர்களை இழுக்கும் ரசனை, சமீபமாக ரஜினி ஒன்றுக்கு மேற்பட்ட வேடங்களில் நடிக்கும் படங்களுக்கு ('சிவாஜி’, 'எந்திரன்’) இருக்கும் வரவேற்பு... இப்படி ரஜினியின் மூன்று விருப்பப் புள்ளிகளின் சந்திப்பில் எழுப்பப்படுகிறது ரானா கோட்டை!

படத்தில் 60 சதவிகிதம் 'மூன்று முகம்’ அலெக்ஸ் பாண்டியன் போன்ற ரஜினி கேரக்டர்தான் அதிரிபுதிரி அட்டகாசத்தில் ஈடுபடுமாம். சீனியர் ரஜினி ஃப்ளாஷ்பேக் முன் ஜென்ம நினைவுகளாக இருக்குமாம். முழுக்கவே கிராஃபிக்ஸில் உருவான ஹாலிவுட் சினிமா '300’. அந்தப் படத்தில் ஒரு குறுநில மன்னன், பிரமாண்ட படை திரட்டி வரும் பேரரசனுக்கு அடங்காமல் தனது இறுதி மூச்சு வரை மூர்க்கமாகப் போராடி வீர மரணம் எய்துவான். அந்த ஆக்ஷன் ஃப்ளேவரை 'ரானா’ படத்தின் முன் ஜென்மக் காட்சிகளில் பயன்படுத்தலாம் என்பது கதை விவாதக் குழுவின் ஐடியா. இப்படி உலக மற்றும் உள்ளூர், அண்டை மாநில ஹிட் சினிமாக்களின் ப்ளஸ்கள் நிறைந்த காக்டெயில் சினிமாவாக இருக்குமாம் 'ரானா’.

முதல் பிரின்ட் ஒப்பந்த அடிப்படையில் 'ரானா’வை முடித்துத் தரும் பொறுப்பை ரஜினியே ஏற்றுக்கொண்டு இருக்கிறார்.

ரஜினி, கே.எஸ்.ரவிக்குமார் கூட்டணியில் உருவான 'முத்து’, 'படையப்பா’ படங்களின் கதை, விவாதம் கிழக்குக் கடற்கரைச் சாலையில் ஒரு கெஸ்ட் ஹவுஸில்தான் நடந்தது. அந்த சென்டிமென்ட்படி 'ரானா’ படத்தின் கதை, திரைக்கதை விவாதத்தை அங்கேயே துவக்கிவிட்டு, பின்னர் நகருக்குள் ஒரு ஸ்டார் ஹோட்டலுக்கு மாற்றிவிட்டார் கள். ரஜினியின் சம்பளக் கணக்கு சேர்க்காமல் 60 கோடி ரூபாய் பட்ஜெட் என்று நிர்ணயித்து இருக்கிறார்கள் இப்போதைக்கு. ஷங்கர், ஐஸ்வர்யா தவிர, கிட்டத்தட்ட ஒட்டுமொத்த 'எந்திரன்’ அணியும் 'ரானா’வில் பணியாற்றுகிறது.

'ஆயிரத்தில் ஒருவன்’ படத்தில் எம்.ஜி.ஆரின் கத்திச் சண்டை மகா பிரசித்தம். அது போன்ற கத்திச் சண்டை மன்னர் காலப் படங்களில் அவசியம் என்பதால், வாள் சண்டைப் பயிற்சியில் ஈடுபட்டு வருகிறாராம் ரஜினி. சீனியர் ரஜினிக்கு தங்கச்சியாக பாலிவுட் ரேகா நடிக்கிறார். நீலாம்பரி சாயல்கொண்ட வில்லத்தனம் நிரம்பிய வேடமாம் அது. தமிழ், தெலுங்கு, இந்தி மூன்று மொழி களிலும் தயாராகும் படம் என்பதால், தீபிகா படுகோன், அனுஷ்கா என மொழிக்கு ஒருவராகப் பேசி வைத்திருக் கிறார்கள்.

ஏப்ரல் மாதம் படப்பிடிப்பு ஆரம்பம். சட்டமன்றத் தேர்தலுக்கு முன் 'ஷூட்டிங்’ என்று சொல்லி, லண்டனுக்குப் பறப்பது ரஜினியின் திட்டம்!