சினிமா ஸ்டூடி‌யோவை திறந்து வைக்கிறார் கருணாநிதி!

பையனூரில் திரைப்பட கலைஞர்களுக்கு ஒதுக்கப்பட்ட இடத்தில் கட்டப்பட்டுள்ள பிரமாண்ட சினிமா ஸ்டூடியோவை முதல்வர் கருணாநிதி திறந்து வைக்கிறார். முதல்வர் கருணாநிதி திரைப்படத் துறையினருக்கு வரிவிலக்கு, இட ஒதுக்கீடு, சூட்டிங் கட்டணம் குறைப்பு என பற்பல சலுகைகளை வாரி வழங்கியிருக்கிறார். கஷ்டப்பட்டுக் கொண்டிருக்கும் திரையுலக கலைஞர்களுக்கு வீடு கட்ட இலவச நிலம் வழங்க வேண்டும் என்று திரைத்துறையை சேர்ந்தவர்கள் கோரிக்கை வைத்த‌ால், சென்னையை அடுத்த பையனூரில் நிலம் ஒதுக்கி உத்தரவித்த கலைஞர், அங்கு வீடு கட்ட நடந்த பூமி பூஜையிலும் கலந்து கொண்டார்.

அந்த இடத்தில் திரைப்பட கலைஞர்களின் வீடுகளுடன், பிரமாண்ட திரைப்பட ஸ்டூடியோ ஒன்றும் கட்டப்பட்டுள்ளது. இந்த ஸ்டூடியோ திறப்பு விழா விரைவில் நடைபெறவிருக்கிறது. இதில் முதல்வர் கருணாநிதி கலந்து கொண்டு ஸ்டூடியோவை திறந்து வைக்கிறார். பையனூரில் உருவாக்கப்பட்டுள்ள படப்பிடிப்பு தளங்களுக்கு அண்ணா, எம்.ஜி.ஆர்., சிவாஜி பெயர் சூட்டப்பட்டுள்ளது என்பதும் திரைப்பட நகருக்கு, முதல்வர் கருணாநிதியின் பெயர் சூட்டப்பட்டிருக்கிறது என்பதும் கூடுதல் தகவல்