முதல்வர் கருணாநிதி சொத்து விவரம்

திருவாரூர் தொகுதியில் வேட்புமனு தாக்கல் செய்த முதலமைச்சர் கருணாநிதியின் சொத்து விவரம்:

முதல்-அமைச்சர் கருணாநிதி தாக்கல் செய்த சொத்து விவர பட்டியலில் அசையும் சொத்துக்கள் ரூ.4 கோடியே 92 லட்சத்து 56 ஆயிரத்து 855 என்றும் அசையா சொத்துக்கள் எதுவும் இல்லை என்றும்,

வங்கி மற்றும் நிதி நிறுவனங்கள் மற்றும் ஏனையவற்றில் இருந்து பெறப்பட்ட கடன்கள் ரூ.10 லட்சம் என்றும் கையில் உள்ள ரொக்கம் ரூ.15 ஆயிரம் என்றும் குறிப்பிடப்பட்டு இருந்தது.

மனைவி தயாளு அம்மாள் பெயரில் கையிலுள்ள ரொக்கம் ரூ.30 ஆயிரம் என்றும், அசையும் சொத்தின் மதிப்பு ரூ.15 கோடியே 39 லட்சத்து 85 ஆயிரத்து 363 என்றும் அசையா சொத்தின் மதிப்பு ரூ.5 லட்சத்து 51 ஆயிரம் என்றும் குறிப்பிடப்பட்டு உள்ளது.

துணைவியார் ராசாத்தி அம்மாள் பெயரில் கையில் உள்ள ரொக்கம் ரூ.2 லட்சம் என்றும், அசையும் சொத்து ரூ.20 கோடியே 62 லட்சத்து 61 ஆயிரத்து 924 என்றும், அசையா சொத்துக்களின் மதிப்பு ரூ.3 கோடியே 14 லட்சத்து 38 ஆயிரத்து 628 என்றும், வங்கி, நிதி நிறுவனங்கள் மற்றும் ஏனையவற்றில் இருந்து பெறப்பட்ட கடன்கள் ரூ.1 கோடியே 1 லட்சத்து 76 ஆயிரத்து 503 என்றும் குறிப்பிடப்பட்டு இருந்தது.