விஜய் டிவியை கண்டு அலறும் சன் டிவி?

தமிழ் சாட்டிலைட் சேனல்களுக்கு இடையே நடக்கும் யுத்தம் வளர்ந்த நாடுகளுக்கும், ஏழை நாடுகளுக்கும் இடையிலான மறைமுக யுத்தம் மாதிரிதான். புதிய படங்களின் சாட்டிலைட் உரிமையை கைப்பற்றுவதில் சன் டிவியை அடித்துக்கொள்ள ஆளே கிடையாது என்றுதான் எல்லோரும் நினைத்திருந்தார்கள். ஆனால் சைலண்டாக இருந்த விஜய் டிவி, சன் உட்பட பல டிவிக்களை மிரள வைத்திருகிறது. ‘சிக்கு புக்கு’ படத்தின் மீது ஒரு கண் வைத்திருந்த சன் டிவி கண்ணசந்த நேரத்தில் அடித்து விட்டதாம் விஜய். அதேபோல முன்பு ‘ஈரம்’ படத்தை முதலில் விலைபேசிய சன் அப்படியே கிடப்பில் போட்டு விட இரண்டு மாதம் காத்திருந்த பிறகே அதை விஜய்க்கு கொடுத்திருக்கிறார்கள். இப்போது ‘ஈரம்’ படத்தை மாதம் இருமுறை போட்டாலும் டி.ஆர்.பி குறைவதில்லையாம் விஜய்க்கு. இதைக் கேள்விப்பட்டத்தில் இருந்து படபடவென்று படங்களை வாங்கிப்போட ஆரம்பித்திருக்கிறது சன் டிவி என்கிறார்கள்.

ஆயிரம் அரசியல் இருந்தாலும் ‘காவலன்’ படத்தின் சேட்டிலைட் உரிமையை  சன் டிவி அமுக்கியது இந்த அடிப்படையில்தானாம். பெரிய படங்களை அமுக்க தயாராகும் அதேநேரம், சின்ன படங்களையும் வாங்கிக்கொள்ள  தீர்மானித்திருக்கிறார்களாம். இப்படி இவர்கள் படத்தைப் பார்த்ததுமே அட்வான்ஸ் கொடுத்திருக்கும் படம், எஸ்.டி.சபா  புதுமுகங்களை வைத்து இயக்கியிருக்கும் ‘பதினாறு’ என்ற படம்.

இது ஒரு பக்கம் இருக்க, இன்னொரு பக்கம் அரசியல் மற்றும் சாட்டிலைட் களத்திலும் எதிரெதிர் அணியாக இருக்கும் கலைஞர் டிவியும், ஜெயா டிவியும் படங்களை வாங்குவதில் தனி யுத்தம் நடித்தி வருகின்றன என்கிறார்கள்.