கில்லியாட ரெடியான கார்த்தி

சிறுத்தை' படத்தின் வெற்றிக்கு பிறகு தனது அடுத்தப்படத்தை பற்றி குழம்பிய நிலையில் இருந்த கார்த்தி, தற்போது ஒரு முடிவுக்கு வந்திருக்கிறார்.

ராமன் தேடிய சீதை படத்தின் இயக்குநர் ஜெகன் சொன்ன கதையில் நடிக்கலாம் என்று முடிவு செய்த கார்த்தி, பிறகு அதற்கு நோ சொல்லிவிட்டார். இதற்கு காரணம், கார்த்தியின் ரெகுலர் ஃபார்மூலாவான காமெடி, ஆக்ஷன் என்ற இந்த இரண்டும் அந்த படத்தின் கதையில் பரவலாக இருந்ததுதானாம்.

இதனால் வித்தியாசமாக ஏதாவது கொடுக்கலாமா என்று யோசித்துகொண்டிருந்தவரிடம் தரணி ஒரு கதையை சொல்ல, அதில் சொக்கிப்போன கார்த்தி, தனது அடுத்தப்படமாக அதை தேர்வு செய்ய முடிவு செய்திருக்கிறார். இதற்கிடையில் தெலுங்கு படம் பண்ணலாம் என்று ஆந்திராவுக்குப்போன தரணி, சென்னையில் தனது அலுவலகத்தில் பரபரப்பாக வேலை பார்த்து கொண்டிருக்கிறார்.

தரணியும் கார்த்தியும் சேர்ந்து மறுபடியும் கில்லி விளையாடப்போகிறார்கள் போல!