உலக கோப்பை போட்டியில் “ஏ” பிரிவில் இடம் பெற்றுள்ள பாகிஸ்தான் அணி சிறப்பாக ஆடி வருகிறது. இதுவரை நடந்த 3 போட்டிகளிலும் வெற்றி பெற்று பாகிஸ்தான் ஏ பிரிவில் முதலிடத்தில் உள்ளது. எனவே பாகிஸ்தான் எளிதாக கால் இறுதி போட்டிக்கு முன்னேறி விடும். அதிலும் அரை இறுதியிலும் வந்து இறுதி போட்டிக்கு செல்ல வாய்ப்பு உள்ளது.
இறுதி போட்டி மும்பை மைதானத்தில் நடைபெறும் பாகிஸ்தான் இறுதி போட்டிக்கு முன்னேறினால் மும்பையில் போட்டியை நடத்துவதில் சிக்கல் ஏற்படும். பாகிஸ்தான் அணியை மும்பை மண்ணில் விளையாட விட மாட்டோம் என்று சிவசேனா மிரட்டி இருந்தது. எனவே பாகிஸ்தான் போட்டிகள் அனைத்துமே மும்பையில் நடக்காதவாறு அட்டவணை தயாரிக்கப்பட்டு இருந்தது.
ஆனால் இறுதி போட்டியில் பாகிஸ்தான் வந்தால் மும்பை மைதானத்தில் போட்டியை நடத்த வேண்டிய நிலை உள்ளது. அப்போது சிவசேனா பிரச்சினைகளை உருவாக்கலாம். எனவே அந்த போட்டியை சென்னை, அல்லது கொல்கத்தாவுக்கு மாற்றுவது குறித்து சர்வதேச கிரிக்கெட் சங்கம் யோசித்து வருகிறது. பெரும்பாலும் சென்னை மைதானத்திற்கே போட்டி மாற்றப்பட வாய்ப்பு இருப்பதாக கருதப்படுகிறது.
No comments:
Post a Comment