வாள் சண்டை பயிற்சியில் ரஜினி எல்லாம் ராணாவுக்காக...

ரஜினி நடிக்கும் ராணா படத்தில் அவர் மூன்று வேடங்களில் நடிக்கிறார் என்பதெல்லாம் ஊரறிந்த செய்தி. இதில் ஃபிளாஷ்பேக் மட்டும் தெலுங்கில் வெளிவந்து சக்கை போடு போட்ட மஹதீரா ஸ்டைலில் வர வேண்டும் என்று விரும்புகிறாராம் ரஜினி.

இவரே கதையை எழுதியிருக்கிறார் என்பதால் இன்னும் சவுகர்யம். இந்த மன்னர் கெட்டப் பிளாஷ்பேக்கில் ரஜினி அசத்தலான ஒரு வாள் சண்டை போடப் போகிறாராம். இதற்காக வாள் சண்டை பயிற்சியிலும் ஈடுபட்டிருக்கிறாராம் சூப்பர் ஸ்டார்.

வருகிற ஏப்ரலில் லண்டனில் படப்பிடிப்பு நடைபெற இருக்கிறது. அதற்காக லண்டன் செல்கிறார் தலைவர். ஓட்டுக்காக மட்டும் ஒருமுறை வந்து போவார் போலிருக்கிறது!