பையா படத்தின் பாக்ஸ் ஆபீஸ் வெற்றியைத் தொடர்ந்து லிங்குசாமி இயக்கத்தில் ஆர்யா, மாதவன் இணைந்து நடிக்கும் படத்தின் முதல் கட்டப் படப்பிடிப்பு ஜனவரி 16ஆம் தேதி சென்னையில் தொடங்கியது. இந்தப் படத்துக்கான மொத்தப் பாடல்களையும் யுவன் கம்போஸ் செய்துவிட்டார். இந்தப் படம் முடிந்ததும் மிஷ்கின் இயக்கத்தில் ஆர்யா நடிக்கும் படத்தை லிங்குசாமி தயாரிக்கிறார்.
முதலில் மிஷ்கின் கொடுத்த பட்ஜெட்டைப் பார்த்ததும் பின்வாங்கிய லிங்குசாமி, தற்போது மீடியம் பட்ஜெட் படமாக உருவாக்கித் தர மிஷ்கின் ஒப்புக்கொண்டதை அடுத்து, மீண்டும் தயாரிக்க ஒப்புக்கொண்டிருக்கிறார். ஆகஸ்ட் மாதம் முதல் வாரத்தில் ஆர்யாவை மிஷ்கின் படத்துக்கு ஒப்படைப்பதாகவும் லிங்குசாமி வாக்குக் கொடுத்திருக்கிறாராம்.
மிஷ்கின் இயக்கத்தில் தயாராகும் வேட்டையைத் தவிர பிரபு சாலமன் இயக்கும் படத்தையும் லிங்குசாமி தயாரிக்கிறார். இதில் மீண்டும் பிரபு சாலமன் - டி.இமான் கூட்டணி. தற்போது பாடல்களை கம்போஸ் செய்துவருகிறார்கள். இந்தப் படத்தில் பிரபு சாலமன் முழுக்க முழுக்கப் புதுமுகங்களைப் பயன்படுத்த இருக்கிறார்.
இந்தப் படங்கள் தவிர, லிங்குசாமியின் அண்ணன் சுபாஷ் சந்திரபோஸ் தலைமையில் இயங்கிவரும் திருப்பதி பிரதர்ஸ் நிறுவனம், பாலாஜி சக்திவேல் இயக்கத்தில் உருவாகியிருக்கும் வழக்கு எண் 18/09 படத்தைத் தயாரித்து முடித்துவிட்டது. இந்தப் படத்தின் தயாரிப்புக்குப் பிந்தைய வேலைகள் தற்போது நடைபெற்றுவரும் நிலையில், படத்தை ஏப்ரலில் வெளியிட இருக்கிறார்களாம்.
இதற்கிடையில், சுபாஷ் சந்திரபோஸ், லிங்குசாமியின் அடுத்த படத்தில் முக்கிய கதாபாத்திரம் ஒன்றில் நடிக்கலாம் என்று இயக்குனர் வட்டாரத்தில் இருந்து தகவல் கிடைக்கிறது.
No comments:
Post a Comment