விஜயகாந்த்தை எதிர்த்து போட்டியிடும் காங். வேட்பாளர்

தேமுதிக கடந்த சட்டமன்ற தேர்தலில் தனித்து போட்டியிட்டது. அதில் அக்கட்சியின் தலைவர் விஜயகாந்த் விருத்தாசலம் தொகுதியில் போட்டியிட்டு வெற்றி பெற்றார். இந்த தேர்தலில் அதிமுகவுடன் தேமுதிக கூட்டணி வைத்துள்ளது.

இதில் ரிஷிவந்தியம் தொகுதியில் தேமுதிக தலைவர் விஜயகாந்த் போட்டியிடுகிறார். இவரை எதிர்த்து காங்கிரஸ் கட்சியின் சார்பாக சிவராஜ் போட்டியிடுகிறார்.

சிவராஜ் இதே தொகுதியில் ஏற்கனவே ஐந்து முறை போட்டியிட்டு நான்கு முறை வெற்றி பெற்றுள்ளார். தற்போது ஆறாவது முறையாக ரிஷிவந்தியம் தொகுதியில் சிவராஜ் போட்டியிடுகிறார்.

தனிப்பட்ட செல்வாக்குடன் சிவராஜ் போட்டியிடுவதால், தேமுதிகவுக்கும் காங்கிரசுக்கும் பலத்த போட்டி இருக்கும் என்று எதிர்பார்க்கப்படுகிறது.