வில்லனாக மாறிய இசையமைப்பாளர் தினா

பெரும்பாலான கமர்ஷியல் படங்களுக்கு தினாவின் தினப்படி உருட்டல்களே இசையாகி வருகிறது. அப்படியிருந்தும் கிடைத்த இடைவெளியில் நல்ல மெலடி பாடல்களையும் வழங்கி பிரயாசித்தமும் தேடிக் கொள்கிறார் அவர். தானுண்டு, தன் உருட்டல் புரட்டல் உண்டு என்று இருந்தவரை நடிக்க அழைத்திருக்கிறார்கள் ஒரு படத்தில். ஐயய்யோ... ஆளை விடுங்க என்று அவர் ஓடி ஒளிய, விடாமல் விரட்டிப்பிடித்து நடிக்க வைத்துவிட்டார்கள் என்பதுதான் கவனிக்க வேண்டிய செய்தி.

செந்து£ரன் என்பவர் இயக்கும் சூழ்நிலை என்ற படத்தில்தான் தினா வில்லனாக நடித்துக் கொண்டிருக்கிறார். இதற்கு பொருத்தமாக அவருடைய கூந்தலும் அமைந்திருப்பதால் மனிதர் தப்பவே முடியவில்லை டைரக்டரின் பிரஷரிலிருந்து.

இந்த படத்தின் இசையமைப்பாளருக்கு கதை சொல்லப் போகிறோம் என்ற ஒற்றை சிந்தனையோடுதான் உள்ளே போனாராம் செந்து£ரன். ஆனால் கதை சொல்லிக் கொண்டிருக்கும்போதே இவரை அந்த வில்லன் கேரக்டரில் நடிக்க வைக்கலாமே என்ற எண்ணமும் ஓடியிருக்கிறது அவருக்குள். இது சாதாரண கேரக்டர் இல்லையாம். இதில் நடிக்க வைக்க சரியான நடிகரை தேடி ஆந்திரா, மும்பை என்று ரவுண்ட் அடித்து ஓய்ந்து போய்தான் இங்கே வந்தாராம் செந்து£ரன். அப்புறமென்ன... தினாவையே வலுக்கட்டாயமாக நடிக்க வைத்துவிட்டார்.

காட்சிகளும் பிரமாதமாக வந்திருப்பதாக தகவல்!