விஷ்ணுவுக்கு கைகொடுக்குமா 'குள்ளநரி கூட்டம்'

'வெண்ணிலா கபடிக்குழு' படத்தின் மூலம் தமிழ் சினிமாவில் ஹீரோவாக அறிமுகமான விஷ்ணு, தொடர்ந்து படங்கள் நடித்தாலும், முதல் படத்தைபோன்ற வெற்றியை பெறவில்லை.

தமிழ் சினிமாவின் ஹீரோக்களின் பட்டியலில் நிலைத்து நிற்கும் அவரது ஆசை கொஞ்சம் தடுமாறவே செய்திருக்கிறது. விஷ்ணு நடிப்பில் கடைசியாக வெளிவந்த 'பலே பாண்டியா' படமும் விஷ்ணுவை பரிதாபமாக பார்க்கச்செய்தது. இந்த நிலையில் விஷ்ணுவின் கையில் இருப்பது 'குள்ளநரி கூட்டம்' என்ற ஒரே படம்தான்.

பலம் வாய்ந்த யானை, சிங்கம், புலி போன்ற மிருகங்களே, குள்ளநரியின் சூழ்ச்சிக்கும், தந்திரத்திற்கும் முன்னால் அஞ்சி நிற்கும். இது நம்முடையை சங்க இலக்கியங்கள் வாயிலாக நாம் அறிந்த விஷயம். இதையே மையமாக வைத்து குள்ளநரி கூட்டத்தின் திரைக்கதையை அமைத்திருக்கிறார் ஸ்ரீபாலாஜி.

'வெண்ணிலா கபடிக்குழு' படத்தில் சுசீந்திரனிடம் இணை இயக்குநராக பணியாற்றிய ஸ்ரீபாலாஜி இயக்கும் இப்படத்தில் வெண்ணிலா கபடிக்குவில் நடித்த நடிகர்களும், தொழில்நுட்ப கலைஞர்களும் மறுபடியும் இணைந்திருக்க, விஷ்ணுவுக்கு ஜோடியாக ரம்யா நம்பீசன் நடிக்கிறார்.

எப்படியும் ஒரு வெற்றியை ரசிகர்களுக்கு கொடுக்க வேண்டிய கட்டாயத்தில் இருக்கும் விஷ்ணு, குள்ளநரி கூட்டத்தை பெரிதும் நம்பியிருக்கிறார்.