“வானம்” படத்தில் நடிகர்கள் பட்டாளம் -சிம்பு

சிம்பு நடிக்கும் “வானம்” படத்தின் பாடல் சி.டி. வெளியீட்டு விழா சென்னையில் நடந்தது. இதில் சிம்பு பங்கேற்று பேசியதாவது:-

“வானம்” படத்தின் பாடல்கள் சிறப்பாக வந்துள்ளன. யுவன்சங்கர் ராஜா என் நண்பர். அவர் இப்படத்துக்கு நல்ல பாடல்களை கொடுத்துள்ளார். “வேதம்” தெலுங்கு படத்தின் ரீமேக்கே “வானம்”. தெலுங்கு படத்தை விட வித்தியாசமான கோணத்தில் சிறப்பாக வந்துள்ளது.

இதில் பரத், அனுஷ்கா, சோனியா அகர்வால், பிரகாஷ்ராஜ், சரண்யா பொன்வண்ணன் என நிறைய நடிகர் பட்டாளம் உள்ளது. பரத் சிறப்பான ஒத்துழைப்பு கொடுத்தார் என்றார். பரத் பேசும்போது, படத்தில் கஷ்டப்பட்டு நடித்தேன்.

40 கிலோ மீட்டர் வேகத்தில் வரும் காரில் தாவி குதித்து கண்ணாடியை உடைக்கும் காட்சியில் என் கைகளில் கண்ணாடி குத்தி ரத்தம் கொட்டியது என்றார்.

படத்தின் இயக்குனர் கிரிஷ் பேசும்போது, ஐந்து மனிதர்களின் வெவ்வேறு பயணமே கதை. யுவன் தந்த பாடல்களில் உயிர் இருக்கிறது என்றார். அனுஷ்கா, சரண்யா, இயக்குனர் வெற்றிமாறன், தயாரிப்பாளர் கணேஷ் உள்ளிட்டோர் பங்கேற்றனர்.