அதிமுக கூட்டணியில் இந்திய கம்யூனிஸ்ட் கட்சிக்கு 10 தொகுதிகள் அறிவிக்கப்பட்டன. ஏற்கனவே வெற்றி பெற்ற திருத்துறைப்பூண்டி(தனி), சிவகங்கை, ஸ்ரீவில்லிபுத்தூர்(தனி) தொகுதிகளுடன் குடியாத்தம்(தனி), பவானிசாகர்(தனி), தளி, குன்னூர், பென்னாகரம், புதுக்கோட்டை, வால்பாறை(தனி) ஆகிய தொகுதிகள் ஒதுக்கப்பட்டுள்ளன. மேற்கு மாவட்டங்களில் மட்டும் இந்திய கம்யூனிஸ்ட் கட்சிக்கு 5 தொகுதிகள் ஒதுக்கப்பட்டுள்ளது.
1980ம் ஆண்டு இந்திய கம்யூ. வேட்பாளர் ஏ.டி.கருப்பையா 13,000 ஓட்டு வித்தியாசத்தில் காங்கிரஸ் வேட்பாளரை தோற்கடித்தார்.
30 ஆண்டுக்கு பிறகு மீண்டும் வால்பாறை தொகுதியில் காங்கிரஸ் & இந்திய கம்யூனிஸ்ட் இடையே போட்டி ஏற்பட்டுள்ளது. காங்கிரஸ் சார்பில் தற்போதைய எம்எல்ஏ கோவை தங்கத்துக்கு மீண்டும் சீட் கிடைக்கும் என அக்கட்சியினர் நம்பிக்கை தெரிவித்துள்ளனர்.
இந்திய கம்யூனிஸ்ட் கட்சியில் மாநில செயலாளர் தா.பாண்டியனின் தீவிர ஆதரவாளரான ஆறுமுகத்துக்கு வாய்ப்பு கிடைக்கும் என்று அக்கட்சி வட்டாரங்கள் தெரிவிக்கின்றன.
No comments:
Post a Comment