புதிய சாதனை படைத்தார் ஹாரிஸ் ஜெயராஜ்

கைநிறைய படங்களுடன் பயங்கர பிஸியாக இருக்கும் ஹாரிஸ் ஜெயராஜ் ஒரே வாரத்தில் மூன்று பாடல்களை கம்போசிங் செய்து புதிய சாதனை படைத்துள்ளார்.

"மின்னலே" படத்தின் மூலம் இசையமைப்பாளராக அறிமுகமானவர் ஹாரிஸ் ஜெயராஜ். தமிழ் சினிமாவின் முன்னணி இசையமைப்பாளராக இருக்கும் ஹாரிஸ், கோ, ஏழாம் அறிவு, நண்பன், ஒரு கல் ஒரு கண்ணாடி, மாற்றான் என்று அரை டஜன் படங்களை கையில் வைத்துள்ளார். இதில் கோ, எங்கேயும் காதல் உள்ளிட்ட படங்களுக்கு இசையமைத்து முடித்துவிட்டார். விரைவில் இப்படங்கள் திரைக்கு வர இருக்கிறது. தற்போது ஒரு கல் ஒரு கண்ணாடி படத்திற்கான கம்போசிங் பணியில் தீவிரமாக ஈடுபட்டுள்ளார் ஹாரிஸ். இதற்காக சிங்கப்பூர் சென்றுள்ள ஹாரிஸ், அங்கு ஒரே வாரத்தில் மூன்று பாடல்களை கம்போசிங் செய்து புதிய சாதனை படைத்துள்ளார். இதற்கு முன்னர் இவர் செய்த சாதனையை இவரே முறியடித்துள்ளார் என்பது குறிப்பிடத்தக்கது.