க்ளவுடு நைன்மூவிஸ் சார்பில் துரை தயாநிதி அழகிரி தயாரிப்பில், டைரக்டர் லிங்குசாமி இயக்கும் படம் "வேட்டை". இப்படத்தில் நாயகனாக ஆர்யாவும், மாதவனும் நடிக்கின்றனர். இவர்களுக்கு ஜோடியாக சமீரா ரெட்டி, அமலா பால் ஆகியோர் நடிக்கின்றனர். யுவன் சங்கர் ராஜா இசையமைக்கிறார்.
இப்படத்தின் சூட்டிங் காரைக்குடியில் கடந்த 17ம் தேதி தொடங்கியது. இதற்காக மும்பையில் இருந்து அவசர அவசரமாக காரைக்குடி வந்தார் நடிகர் மாதவன். சமீபத்தில் தான் பாலிவுட்டில் மாதவன்-கங்கனா ரனாவத் நடித்த "மானு வெட்ஸ் தானு" படம் நல்ல வரவேற்பை பெற்றது. அத்துடன், கடந்த 15 நாளில் மட்டும் ரூ.31 கோடி வசூலாகியுள்ளது. இதனால் மிகுந்த உற்சாகமடைந்த மாதவன் தன்னுடைய நெருங்கிய நண்பர்கள் சிலருக்கு பெரிய பார்ட்டி ஒன்று கொடுத்துள்ளார். பார்ட்டி முடிந்த கையோடு காரைக்குடி வந்த மாதவன், வேட்டை படத்தில் நடிக்கத் தொடங்கிவிட்டார்.
No comments:
Post a Comment