முத்துகுமார் கொலையில் சந்தேகம் கலைஞர் மீது எழுகிறது-சீமான்

புதுக்கோட்டை மாவட்டம் வடகாடு கிராமத்தில் நாம் தமிழர் கட்சியின் மாநில ஒருங்கிணைப்பாளராக இருந்த முத்துக்குமார்  படுகொலை செய்யப்பட்டதை கண்டித்தும்,   முத்துக்குமார் படத்திறப்பு விழாவும் திலீபன் திடலில் பெரியார் திராவிட கழகத்தைலைவர் கொளத்தூர் மணி தலைமையில் நடந்தது.

இக்கூட்டத்தில் நாம் தமிழர் கட்சியின் மாநில தலைவர் சீமான் பேசினார்.

அவர்  பேசும்போது, ’’எந்நேரமும் மக்கள் நடமாட்டம் அதிகமாக உள்ள புதுக்கோட்டை நகரின் அண்ணாசிலைஅருகேயுள்ள பழக்கடையில் முத்துக்குமார் வெட்டிக்கொல்லப்பட்டுள்ளார். இக்கொலைக்குசாட்சியாக காருடன் அறிவாள்களும் கண்டெடுக்கப்பட்டுள்ளது.

அதில் இருந்தரத்தமும், முத்துக்குமாரின் ரத்தமும் ஒத்துப்போகிறது, ஏற்கனவே அந்தக் கார்

திருடப்பட்டிருக்கிறது. ஆனால் இதுவரை கொலையாளி ஒருவர் கைதாகவில்லை. ஆனால்,உண்மைக்குற்றவாளியைத்தான் கைது செய்ய வேண்டும்.

எங்களுக்குத் தெரியும் இந்தக் கொலையையார் செய்திருப்பார்கள் என்று. காவல்துறையின் கேட்டுக்கொண்டதற்கு இணங்க மார்ச் 20 -ம் தேதிவரை கெடுவைக்கிறோம். அதற்குப்பிறகும் கொலையாளிகள் கைதாகவில்லை என்றால் அப்புறம் சும்மா இருக்கமாட்டோம்.

அன்புன்னா அன்பு, வம்புன்னா வம்பு அதுதான் என் கொள்கை, ஆசாரி அடிச்சுவைத்துள்ளது யாரை வேண்டுமானாலும் வெட்டும், நேருக்கு நேராக வந்து வெட்டு பார்ப்போம் யாருக்கு வெட்டு ஆழப்பதியுதுன்னு பார்ப்போம். மீனவர்களை தாக்கினால் உன்மாணவர்களை தாக்குவேன்னு சொன்னேன். இதில் என்ன குற்றம் உள்ளது. நீ உன் தாக்குதலைநிறுத்திக்கோ, நான் நிறுத்திக்கிறேன். அதற்கு தேசிய பாதுகாப்புச் சட்டம்.

ஆனால் இன்னமும் தமிழக மீனவன் செத்துக்கொண்டுதானே இருக்கிறான். ஏன், தடுத்துத்தமிழக கடற்படை தாக்கியதாக ஒரு செய்தி கூட இல்லையே ஏன்.

என்னையும், என்னுடைய அலைபேசியை மட்டுமே படை, படையாக கண்காணிக்கிறீர்களே,அந்தப்படையெல்லாம் எங்கே போயிற்று, இந்தக் கொலையாளிகளை கண்டிபிடிக்கவேண்டியதுதானே, இதுவும் ஒரு உயிர்தானே.

கொலையாளிகளை கண்டுபிடிக்கலைன்னா தமிழிகத்தில் சட்டம் ஒழுங்கு சீர்கெட்டிருப்பதுகுறித்து முத்துக்குமார் படத்துடன் தமிழகமெங்கும் வீதிவீதியாக போராடுவேன்.எதிர்த்துப்பாருங்கள் அதன் விளைவு அப்போதுதெரியும்.நான் பிடிவாதக்காரன்என்பதைவிட முரட்டுப் பிடிவாதக்காரன்.

நாளை முதல் தமிழகத்தில் அனைத்து மாவட்டத்திலும் முத்துக்குமார் கொலையைக் கண்டித்துகண்டனப்பொதுக்கூட்டம் நடைபெறும். மார்ச் 20-ம் தேதியில் இருந்து 25-ம் தேதிக்குள்கொளத்தூர் மணி, நெடுமாறன் உள்ளிட்ட தலைவர்களுள்,தமிழ்இனத்தை ஒன்றுதிரட்டி

முற்றுகையிடுவோம், அது அண்ணா அறிவாளயமாகவும் இருக்கலாம் அல்லது பொது தபால்அலுவலகமாக செயல்படும் தலைமைச் செயலகமாகவும் இருக்கலாம்.

அதிலும் ஓயமாட்டோம், மீண்டும் புதுக்கோட்டையில் முத்துக்குமார் கொலைநடந்த இடத்தில் லட்சப் பேருடன் தொடர் உண்ணாவிரதத்தில் ஈடுபடுவோம். ஆட்சிமாறினாலும் விடமாட்டேன்.

கொலை தொடர்பாக கலைஞர் காட்டும் மௌனம், எங்களுக்கு இக்கொலையில்காரணாக இருக்குமோ என்ற சந்தேகம் கலைஞர் மீது எழுகிறது.

தேடுங்க 20ம் தேதிக்குள்தேடுங்க, நல்ல வலையைக் கொண்டு தேடுங்க.எனக்கு மிரட்டல்கள் வந்தபோது என்னிடம் வந்து காவல்துறை கேட்டார்கள். உங்களுக்குபாதுகாப்பு தேவையா என்று, நான் தேவை என்றேன். யாருக்கு, என்னை அழிக்கத்துடிப்பவனுக்குத்தான் என்றேன்’’ என தெரிவித்தார்.