உலக கோப்பை கிரிக்கெட் போட்டியால் தியேட்டர்களில் வசூல் பாதிக்கப்பட்டு உள்ளது. இந்தியா-இங்கிலாந்து அணிகள் மோதிய போது 50 சதவீதம் வசூல் குறைந்ததாக தியேட்டர் அதிபர்கள் கூறினர். ஏற்கனவே 50-க்கும் மேற்பட்ட படங்களின் ரிலீஸ் தேதி தள்ளி வைக்கப்பட்டுள்ளது.
முன்னணி நடிகர்களின் படங்களும் ரிலீசுக்கு தயாராக இல்லை. துணிச்சலாக ஒரு சில படங்கள் திரைக்கு வந்துள்ளன. அப்படங்கள் ரசிகர்கள் வரத்து இல்லாமல் ஒரிரு நாட்களிலேயே தியேட்டர்களில் இருந்து தூக்கப்படுகிறது.
கூட்டம் வராத தியேட்டர்களில் மாலை மற்றும் இரவு காட்சிகள் ரத்து செய்யப்பட்டு உள்ளது. ஏற்கனவே திரைப்படத் தொழில் நசிந்துள்ளது. உலக கோப்பை கிரிக்கெட் மூலம் மேலும் அதற்கு அடி விழுந்துள்ளது. தேர்தல் தேதி அறிவிக்கப்பட்டதால் இன்னும் பாதிக்கப்படும் என எதிர்பார்க்கப்படுகிறது.
மதுரை தியேட்டர் உரிமையாளர் ஒருவர் கூறும்போது, எனது தியேட்டரில் மொத்தம் 585 இருக்கைகள் உள்ளன. உலக கோப்பை கிரிக்கெட்டால் கூட்டம் குறைந்து விட்டது. காலை காட்சிக்கு 316 பேர் வரவில்லை. பகல் காட்சியில் 107 இருக்கை காலியாக இருந்தது என்றார். சென்னை தியேட்டர் அதிபர் ஒருவர் கூறும் போது, 30 சதவீதம் முதல் 50 சதவீதம் வரை வசூல் பாதித்துள்ளது என்றார்.
No comments:
Post a Comment