ஜெ. பிரச்சார வேனுக்கு ரகசிய பூஜை

அ.தி.மு.க., பொதுச்செயலர் ஜெயலலிதா பிரச்சாரம் செய்யவுள்ள நவீன சொகுசு வேனுக்கு, கோபியில் உள்ள கோவில் ஒன்றில், நள்ளிரவில் சிறப்பு பூஜை போடப்பட்டது.

புதிதாக வடிவமைக்கப்பட்டுள்ள வேனின் மேல்புறம் அமர்ந்து பிரச்சாரம் செய்யும் வகையில் விசேஷமாக அமைக்கப்பட்டுள்ளது. இதன் மூலம் நான்குபுறமும் உள்ள தொண்டர்களைப் பார்த்து எளிதாக பேச முடியும்.

பிரச்சாரத்துக்கு தயார் நிலையில் உள்ள புதிய வேன் ஒன்று, சில நாட்களுக்கு முன் நள்ளிரவில் கோபி வந்தது. கோபி, ஈரோடு ரோட்டில் உள்ள தன்னாசி கருப்பராயன் கோவிலில் வேனுக்கு சிறப்பு பூஜை நடந்தது.

ஜெயலலிதா பிரச்சாரத்துக்கு பயன்படுத்தும் புதிய வேனுக்கு, கோபியில் பூஜை நடத்திய விவரம், அ.தி.மு.க., நிர்வாகிகளுக்குக் கூட தெரியாத வகையில் ரகசியமாக நடந்தது.